Токиод метрогоор зорчиж байсан иргэд рүү хутгатай этгээд халдаж, 10 хүн шархадлаа

Twitter Print
2021 оны 08-р сар 07-нд 11:10 цагт
Мэдээний зураг,

Өнгөрсөн баасан гарагийн орой Токио хотын метронд хутгатай этгээд зорчигчид рүү халдсаны улмаас 10 хүн шархадлаа.

Токио хотын онцгой байдлын албанл оройны 8 цаг 38 минутад дуудлага ирсэн бөгөөд хэргийн газарт очих үед хэд хэдэн хүн шархдсан байжээ.

Цагдаа нар тус хэргийг үйлдсэн 36 настай эрэгтэйг баривчилсан ба сэжигтэн халдлага үйлдсэнийхээ дараа ойролцоох дэлгүүрт орж худалдагчаас нь цагдаа дуудахыг хүсч, хэргээ хүлээжээ.

Халдлагад өртсөн нэг оюутан охиноос бусад нь хөнгөн шарх авсан аж.

Японд иймэрхүү ноцтой гэмт хэрэг гарах нь ховор ч өмнө нь 2008 онд хутгатай этгээд Акихабара дүүрэгт явган зорчигчид рүү халдаж, 7 хүний амь насыг хөнөөсөн хэрэг гарч байсан удаатай билээ.

Эх сурвалж: https://edition.cnn.com/2021/08/06/asia/tokyo-train

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.