Орон сууцтай холбоотой гомдол 46.9 хувиар буурчээ

Twitter Print
2014 оны 08-р сар 25-нд 10:14 цагт
Мэдээний зураг,

Нийслэлийн удирдах ажилтнуудын ээлжит шуурхай зөвлөгөөн өнөөдөр боллоо. Зөвлөгөөнөөр өнгөрсөн 14 хоногийн хугацаанд Нийслэлийн Шуурхай мэдээллийн төвийн 310005 дугаарын утсанд иргэд, байгууллагаас ирсэн гомдлын талаар танилцууллаа. Өнгөрсөн хугацаанд иргэдээс 130 гомдол, санал хүсэлт, мэдээ мэдээлэл хүлээн авч холбогдох албаныханд уламжилж шийдвэрлүүлсэн байна.

Санал хүсэлтийн 20 хувийг орон сууцтай холбоотой, 30.7 хувийг цахилгааны доголдолтой холбоотой асуудал эзэлж байгааг өмнөх оны мөн үетэй харьцуулахад цахилгаан доголдсон гомдол 18.36  хувиар буурсан, орон сууцтай холбоотой гомдол 46.9 хувиар буурчээ.

Энэ 14 хоногт 130 санал хүсэлт ирснийг өмнөх оны мөн үетэй харьцуулахад 19,7 хувиар буурсан байна. Шуурхай мэдээллийн төвд ирсэн дуудлагын ихэнх хувийг орон сууц, цахилгаан, барилгатай холбоотой асуудлууд эзэлж байгаа. Тухайлбал:

Баянгол дүүргийн 6,18-р хороо 10 хорооллын 23,24-р байр, 4-р хороолол 44,45-р байрны хажууд, Сүхбаатар дүүргийн 8-р хороо 40 байрны урд, Баянзүрх дүүргийн 18,26-р хороо Хавдар судлалын үндэсний төв, Баян монгол хорооллын урд талд барилгын ажил шөнийн цагаар хийгдэж иргэдийг амраахгүй байна гэсэн гомдлууд их байгаа тул холбогдох мэргэжлийн байгуулагуудаас шөнийн цагаар эргүүл жижүүрүүд ажиллаж арга хэмжээ авах шаардлагатайг Нийслэлийн Онцгой байдлын газраас мэдээллээ.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.