Т.Батжаргал өөрөө гэрээ хийж, ариун цэврийн хэрэгсэл, байр, эрүүл мэндийн даатгалын болон тээврийн зардлуудыг төлүүлжээ

Twitter Print
2021 оны 03-р сар 12-нд 11:00 цагт
Мэдээний зураг,

Түдэвийн Батжаргал төрд 18 жил ажиллахад Батжаргалын охин Б.Хашцолмон 5,000 фунтын төлбөртэй Английн Роудлер коллежид 2007 онд сураад ирсэн бол нөгөө охин Б.Номондалай нь 41,000 $ төлбөр төлж АНУ-ын Peralta Community College District сургуульд 3.2 жил сураад ирсэн байна.

Сургалтын тэтгэлгийн задаргаа нь сонирхолтой. Жишээ нь: Ариун цэврийн хэрэгслийн зардалд сар бүр 200 $. Нийтдээ ариун цэврийн хэрэгслийн зардалд 7600 $. Үндсэн тэтгэлэг - 58,000 доллар. Дараа нь мөн АНУ -ын Калифорни мужийн “University of California, Los Angeles” сургуульд Улс төр судлалын мэргэжлээр 2.5 жил сурахдаа ариун цэврийн зардалд 200 доллар, нийтдээ 5,800 долларыг үндсэн тэтгэлэг дээрээ авчээ. Төрийн зардлаар сурсан Т.Батжаргалын хоёр охины зардал монгол валютаар хөрвүүлэхэд 517,827,600₮ буюу хагас тэрбум төгрөг болж байна.

Гэтэл энэ юу ч биш ажээ. Төрсөн эгчийнхээ хүү Б.Ариунболдыг Канад улсын George brown college-д мөн л ИНЕГ-аас тэтгэлэг өгч сургуульд явуулжээ. Мөн эхнэрийнхээ дүүгийн хүүхэд болох Т.Ашидмөнхийг АНУ-ын Сан-Франциско хотын Аламедо коллежид бас л ИНЕГ-ын тэтгэлгээр сургажээ.

Амташаад 13 нахина гэгчээр мань Т.Батжаргал жолооч Алтансүхийнхээ хүү Баянмөнхийг мөн л АНУ-ын Сан-Франциско хотын Аламедо коллежид төрийн тэтгэлгээр сургуульд явуулжээ. Уйлдаггүй төрийн мөнгийг ингэж хайр найргүй дээрэлхэж, дээрэмддэг үйлдэл нь үүгээр ч зогсоогүй бололтой.

Дээрхи оюутнуудыг тэтгэлгээр сургах гэрээг Т.Батжаргал өөрөө хийсэн байх бөгөөд тус бүр 45,000 долларын төлбөр, мөн л ариун цэврийн хэрэгслийн зардлуудаас эхлээд байр, эрүүл мэндийн даатгалын болон тээврийн зардлуудыг мөн л 100% төлүүлсэн байна.

Б.Даваасүрэн

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.