Эмэгтэй хүний башир арга

Twitter Print
2020 оны 11-р сар 30-нд 10:56 цагт
Мэдээний зураг,

Зөвлөлтийн алдарт жүжигчин Любовь Орлова, алдартай кино найруулагч Александровын эхнэр байсан юм. Тэд эвтэй сайхан амьдардаг байсан хэдий ч Александров үе үе гэр бүлээс гадуурх роман үүсгэчихдэг байжээ.

Урлагийнхны ертөнцөд энэ бүхэн хэнд ч ойлгомжтой асуудал тул Орлова үүнд нь нэг их санаа зовохгүй философлог хандлагаар хандаад л өнгөрдөг байж. Гэтэл нэг удаа... Любовь Орлова нөхөр нь нууц амраг жүжигчин бүсгүйгээ гэртээ тэмдэглэх төрсөн өдрийн баяртаа урьсныг мэджээ. Тэр нь ч хуумгайгаар зөвшөөрч... Энэ нь тэр бүсгүйн хувьд дэмий шийдэл болжээ. Орловагийн философлог тэвчээр барагдаж, тэр өшөө авахаар шийджээ.

Яаж гээч! Тэр үед урлагийн дээд зиндааныхан ахуй үйлчилгээний тусгай газруудаар үйлчлүүлдэг байсан тул Орлова нэг их хүч хөдөлмөр гаргалгүйгээр өрсөлдөгч нь нөхрийнх нь төрсөн өдрийн баярт өмсөхөөр гоёлын ямар даашинз захиалан оюулж байгааг өрсөлдөгч нь болон өөрөө хувцас захиалан оёулдаг оёдолчноосоо санамсаргүй мэт асууж мэджээ. Энэ л түүнд хангалттай байлаа.

Ингээд төрсөн өдрийн баярын өдөр ч болж, нөгөө жүжигчин бүсгүй шинэхэн оюулсан гоёлоо өмсөөд Орловагийнд иржээ. Уул нь тэр ирээгүй байсан бол дээр байсан юм. Яагаад гэвэл Орлова- Александровынхан гэрийнхээ диван, кресло, сандалуудын бүх бүрээсийг яг тэр бүсгүйн шинэ даашинзны материалаар Александровын төрсөн өдрийн баярт зориулан шинээр сольж бүрсэн байлаа. Эдгээр бүрээснээс үлдсэн материалаар Орлова өөрийн гараар гутлын ул арчих жижиг хивс оёж үүдэндээ тавьсан байв.

Энэ бүх сайхан зүйлсийн дунд суух нь битгий хэл зогсоход ч хүнд байсан тул өрсөлдөгчийнх нь айлчлал хоромхон зуур болж өнгөрчээ.

Орчуулсан: Л.Цэцгээ

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.