Эв нэгдлийн сүмтэй холбогдсон сайдуудыг халж, шинэ сайдуудыг томиллоо

Twitter Print
2022 оны 08-р сар 11-нд 14:00 цагт
Мэдээний зураг,

Эв нэгдлийн сүмтэй холбогдсон сайд нарыг халж, шинэ сайд нарыг томиллоо

Японы эрх баригч нам маргаан дагуулаад буй Эв нэгдлийн сүмтэй холбоотой асуудлаас үүдэн Японы Ерөнхий сайд засгийн газрын бүрэлдэхүүнээ огцруулж, шинэ бүрэлдэхүүнийг танилцуулжээ. 

Түүний хэлснээр засгийн газрын шинэ бүрэлдэхүүн нь түүнд коронавирусын цар тахал, үнийн нэмэгдэл зэрэг дотоодод тулгараад буй асуудлуудыг шийдвэрлэхэд туслах аж. 

Гадаад харилцааны яам, Сангийн яам зэрэг гол 5 яамны сайд нар албан тушаалаа хадгалан үлдсэн байна. Харин Эв нэгдлийн сүмтэй холбоотой гэдгээ хүлээн зөвшөөрсөн 7 сайдыг огцруулсны дотор Ерөнхий сайд агсан Шинзо Абэгийн дүү Батлан хамгаалахын сайд Нобуо Киши болон Олон нийтийн аюулгүй байдлын хорооны дарга Сатоши Ниноюү нар багтжээ. 

Түүнчлэн Ерөнхий сайд Фүмио Кишида Либерал ардчилсан намын удирдлагуудыг сольж, шинээр томилжээ. 

Эрх баригч Либерал ардчилсан намын Эв нэгдлийн сүмтэй олон жилийн харилцаа холбоотойтой бөгөөд Ерөнхий сайд агсан Шинзо Абэгийн аллагаас хойш Фүмио Кишидагийн нэр хүндийн рейтинг унахад хамгийн ихээр нөлөөлжээ. Гурван долоо хоногийн өмнө  59 хувь байсан Фүмио Кишидагийн рейтинг 46 хувь болтлоо буурсан ба энэ нь түүний Ерөнхий сайдаар томилогдсноос хойшхи рейтингийнх нь хамгийн доод үзүүлэлт аж.

Шинзо Абэг буудан хөнөөсөн этгээдийн мэдүүлснээр түүний ээж нь Эв нэгдлийн  сүмд байсан бүх мөнгөө өгч, дампуурсан ба хэрэгтэн Шинзо Абэг Эв нэгдлийн сүмийг дэмжигч гэдэг утгаар нь буруутгаж байжээ. 

БНСУ-д 1950-аад онд үүсгэн байгуулагдсан Эв нэгдлийн сүм нэг дор олон хосын хуримын ёслолыг зохион байгуулдгаараа олонд танигдсан ба олон улсын ажиглагчид уг сүмийг шашны гаж урсгал дэлгэрүүлэгч хэмээн тодорхойлдог аж. 

Либерал ардчилсан нам сүмээс зайгаа барьж, тус намын удирдлагууд Эв нэгдлийн сүмтэй харилцаагаа тасална гэж мэдэгдсэн бол Эв нэгдлийн сүмийн Япон дахь салбарын тэргүүн Томихиро Танака Ерөнхий сайд Фүмио Кишида улстөрчдийг сүмээс нь харилцаагаа таслахыг үүрэг болгож байгаад харамсаж буйгаа илэрхийлжээ.

Эх сурвалж: Reuters

Содномцэрэнгийн Энхзаяа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (202.179.21.213) 2021-04-19 20:30
      • 0
      • 0

      Эрх мэдэл нь хэтэрч буй дарангуйлагчийн эсрэг ингэж бичнэ гэдэг жинхэнэ эр зориг байх шүү.

      Хариулах

    • Irgen

      (107.19.9.109) 2021-04-19 15:07
      • 0
      • 0

      Ene Emyyjin gej maniin ulaan pen Ard tymen yaj amidarch bgaag daan ch 1 oilgoh sohoogyi hyyhen dee hoorhii

      Хариулах

    • Иргэн

      (76.175.52.36) 2021-04-18 14:09
      • 0
      • 0

      Эмүүжин шиг 5 н сэтгүүлч байдаг ч болоосой нийгмийн бохир үзэгдлүүдийг нүдэнд харагдаж гарт баригдтал шударга бичдэг даан ч сэтгүүлч нэртэй нөхөд нь мөнгөнд амаа үдүүлсэн бүр зарим нөхдийн өмнөөс ичмээр... Бүүр одоо юун тухай бичих бол гээд хүлээж бдаг болсон

      Хариулах

    • Зочин

      (203.91.112.133) 2021-04-17 09:49
      • 0
      • 1

      Шанхайн хамтын нийгэмлэг ямар НҮБ юм уу,

      Хариулах