Хонгконгийн эмнэлгүүд ачааллаа дийлэхгүй байна

Twitter Print
2022 оны 02-р сар 17-нд 10:10 цагт
Мэдээний зураг,

Хонгконгт коронавирусын халдварын тархалт нэмэгдсэнтэй холбоотойгоор эмнэлгүүд нь дүүрч, халдвар авсан мянга мянган иргэд эмнэлэгт хэвтэх дарааллаа хүлээж байна. 

Хонгконгийн удирдлагууд  коронавирусын халдварын 5 дахь давалгааны тархалтыг хяналтанд авах хүндрэлтэй байгааг хүлээн зөвшөөрсөн ч цаашид хөл хорио тогтоохгүй гэдгийг онцолсон байна. 

Өнгөрсөн лхагва гарагт Хонгконгт коронавирусын халдварын 4284 шинэ тохиолдол бүртгэгдэж, БНХАУ-ын Ерөнхийлөгч Си Жиньпин Хонгконгийн эрх баригчдад "хүн хүч дайчилж, шаардлагатай бүх арга хэмжээг авахыг" шаарджээ. 

Одолгийн байдлаар тус хотод 10 мянга гаруй хүн эмнэлэгт хэвтэх дарааллаа хүлээж байгаа ба эрдэмтэд өдөрт бүртгэгдэх халдварын тохиолдлын тоо 28 мянгад хүрэх төлөвтэй байгааг анхааруулжээ. 

Сүүлийн 24 цагт Хонгконгт коронавирусын халдварын улмаас 9 хүн нас барсан байна. 7.5 сая хүн амтай тус хотод коронавирусын цар тахал эхэлснээс хойш халдварын нийт 26 мянган тохиолдол бүртгэгдэж, 200 орчим хүн нас баржээ. 

Түүнчлэн коронавирусын цар тахал эхэлснээс хойш Хонгконгийн удирдлагууд үйлчилгээний газруудыг хааж, хилийн хатуу хориг тавьсан зэрэг нь иргэдийг туйлдуулж байгааг ажиглагчид онцолж байна. 

Нөгөө талаас Хонгконгийн эрх баригчид иргэдийг тэр дундаа өндөр настнуудыг  коронавирусын эсрэг вакцинжуулалтанд идэвхтэй хамрагдахыг уриалсаар байна. Өнөөдрийн байдлаар Хонгконгийн вакцинд хамрагдах насны нийт иргэдийн 74.9 хувь нь коронавирусын эсрэг вакцины 2 тундаа хамрагджээ. 

Хонгконгийн захирагч Кэрри Лам  коронавирусын шинжилгээ хийх, халдвартай иргэдэд эрүүл мэндийн тусламж үйлчилгээ үзүүлэх, иргэдийг тусгаарлах байруудыг нэмж барих, их газрын Хятадаас шаардлагатай эм тариа, тоног төхөөрөмж захиалах тал дээр анхаарлаа хандуулж ажиллана гэжээ.

Эх сурвалж: BBC

Содномцэрэнгийн Энхзаяа

Mongolcom.mn

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (192.82.74.21) 2020-04-23 12:03
      • 0
      • 0

      Иш чаваас элбэгдорж өнөөдөр үхсний хохь, амьдын зол тийм л юмыг ардаа нууж бх шив дээ

      Хариулах