Гар барих, дугтчих ёс бол Оросоос дамжуулж авсан “Товарищлах” мэндчилгээ юм

Twitter Print
2020 оны 04-р сар 05-нд 11:45 цагт
Мэдээний зураг,

Хорооноо гэгч хоруугаас болоод манай монгол соёлын мэндчилгээ нь хүртэл ямар их зөв, боловсон байсан нь танигдаж байх юм. Монголчууд жилдээ нэг л удаа цагаан сараараа хүний биед хүрч мэндэлдэг нь золгох ёс байжээ.

Бусад үед дандаа зайнаас биеийн хэлмэрээрээ, үгийн уран яруугаараа мэндчилдэг байсан аж. Жинхэнэ язгуур монгол соёл гэж болох баатарлаг туульд хүмүүс хоорондоо мэндлэхдээ амар амгаланг айлтгасан үгсийг хэлээд "тэгш улаан алгаа тэнийлгэн дэлгэж", “булингар улаан алгаа дэлгээд” (хоёр алгаа урагш сунган зэрэг тэнийлгэн дэлгээд) мэхэсхийн мэндчилдэг байжээ.

Эрт үедээ энэ нь миний хоёр гарт зэр зэвсэг байхгүй шүү гэсэн биеийн хэлмэр байсан бол одоо цагийнханд “таныг элгэндээ тэвэрч байна”, “буй биеэрээ тосон угтаж байна”, “танаас нуух хаах юм юу ч үгүй” гэсэн биеийн хэлмэр дохио болох юм. Тэгж мэндчилэх зуураа өнөө мэндчилгээний олон сайхан үгээ урсган хэлдэг байж. Үүнийг бас төсөөгөөр нь золгохын хагас ч гэж болох юм. Хөөрөг зөрүүлэх ёс бол мөн л хожуу гарсан жил цагаан сарын мэндчилгээ, эсвэл, жил цагаан сараар уулзаагүй хүмүүсийн мэндчилгээ юм. Гар барих, дугтчих ёс бол Оросоос дамжуулж авсан “товарищлах” мэндчилгээ болой.

Шинжлэх ухааны доктор, профессор С.Дулам 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.