Нус, цэрээ хаясан 4662 иргэнд 47 сая төгрөгийн торгууль ногдуулжээ

Twitter Print
2020 оны 03-р сар 02-нд 11:41 цагт
Мэдээний зураг,

Шинэ төрлийн коронавирусийн халдвар дэгдэх өндөр эрсдэлтэй байгаатай холбогдуулан гудамжинд нус, цэр, шүлсээ хаясан иргэдэд шийтгэл оногдуулдаг хуулийг чангатгах, торгуулийн арга хэмжээ тооцдог болох чиг үүргийг Нийслэлийн захирагч С.Амарсайхан гаргасан. 

Энэ дагуу нийтийн эзэмшлийн газарт бие зассан, нус цэрээ хаясан 4662 иргэнийг илрүүлж, нийтдээ 47 сая төгрөгийн торгууль ногдуулсан байна. 

Зөрчлийн тухай хуулийн 5.1 дүгээр зүйлд Олон нийтийн газарт зүй бусаар бие авч явах гэх заалт оруулж, 5.1.1-д “Олон нийтийн газар, авто зам, орон сууцны орчны газар, гудамж, талбайд бие зассан, эсхүл нус, цэр, тамхины иш, хог хаясан бол хүнийг арван нэгжтэй тэнцэх хэмжээний төгрөгөөр торгоно” хэмээн заасан байдаг.

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.