Газын зурваст хүүхэд, эмэгтэйчүүд олноор амиа алдаж байна

Twitter Print
2014 оны 08-р сар 16-нд 11:06 цагт
Мэдээний зураг,

Газын зурвас сүүлийн хэдэн өдөр дэлхий нийтийн анхаарлын төвд байна. Израйлийн арми тус газар цэргийн ажиллагаа явуулж Палестинд цохилт өгсөн. Үүнийг Израйлийн ард иргэд дэмжиж байгаагаа илэрхийлж нийслэл хотынхоо төв талбайд жагсаал хийжээ. Цуглаанд 10 орчим хүн ирсэн байна. Өнгөрөгч долоодугаар сарын эхээр Израиль-Палестины мөргөлдөөн эхэлснээс хойш анх удаа Израиль иргэдийг хамгаалахыг шаардсан томоохон жагсаал боллоо гэж ажиглагчид дүгнэж  байгаа аж.

“Израилийн өмнөд хэсэгт Хамас бүлэглэл олон тооны пуужин харвах боллоо, энэ дан ганц өмнөд бүс нутагт буй иргэдийн асуудал бус нийт Израильчуудыг заналхийлсэн хэрэг гэдгийг бид анхааруулахыг хүсэж байна.  Израилийн арми ялалт байгуулж энх тайван амьдралыг эргүүлэн авчирна гэдэгт найдаж байна” хэмээн Эшколь бүс нутгийн зөвлөлийн дарга Хаим Елин ярьжээ.

Израилийн тал Хамас бүлэглэл нийтдээ 3500 орчим пуужин харваж 64 цэрэг, гурван энгийн иргэн амь насаа алдсан гэж мэдээлсэн байна. Харин Палестин 1962 иргэнээ алдсаны дийлэнх нь хүүхэд, эмэгтэйчүүд гэнэ.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.