“ДЦС-3”-ын захирал Ч.Чинбатыг үндэслэлгүй хөрөнгөжсөн гэж саатуулжээ

Twitter Print
2021 оны 08-р сар 03-нд 08:29 цагт
Мэдээний зураг,

“Дулааны цахилгаан станц-3” ТӨХК-ийн захирал Ч.Чинбатыг өнгөрөгч Баасан гаригт /2021.07.30/ АТГ-аас цагдан хорих  461-дүгээр хорих ангид саатуулсан билээ. Тодруулбал, түүнийг яллагдагчаар татаж, албан өрөөнд нь гүйцэтгэх ажиллагаа явуулсан юм. Энэ хүрээнд Ч.Чинбаттай холбоотой ноцтой баримтууд илэрсэн байна.

Эх сурвалжийн мэдээлснээр Ч.Чинбатыг үндэслэлгүй хөрөнгөжсөн, авлигын хэргээр шалгаж буй бөгөөд тэрбээр Дорнод нутгаас гаралтай аж. Өөрөөр хэлбэл УИХ-ын гишүүн Э.Болорчулуун тус албан тушаалд томилуулсан гэх яриа гарчээ.

Тэрбээр "ДЦС-3"-ын захирлаар томилогдоод жил гаруйн хугацаа өнгөрч буй. Энэ хугацаанд тэрбээр, албаны машин болох "Ланд-200" маркийн автомашиныг албан хэрэглээндээ шинээр авхуулж, мөн “Поларис” их дэлгүүрийн оффист албаны хурлаа хийж, тус дэлгүүртэй худалдан авалтын гэрээ хийжээ. Ингээд зогсохгүй томилогдсоноосоо хойш удирдах албан тушаалын хүмүүсийг халаа сэлгээ хийж, Дорнод нутгийн хүмүүсээр байгууллагын удирдлагыг “сэлгэсэн” гэх мэдээлэл байна.

Тиймээс  Ч.Чинбатыг нэг сарын хугацаатай үргэлжлүүлэн  хорих эсэхийг маргааш шүүх шийдвэрлэх юм.

АТГ-аас баривчлагдаад буй “Дулааны цахилгаан станц-3” ТӨХК-ийн захирал Чулууны Чинбатын ХОМ-ийг танилцуулж байна. Тэрбээр 2017 оноос хойш АТГ хөрөнгө орлогоо мэдүүлж эхэлжээ.

ӨӨРИЙН ОРЛОГО: 2017 онд түүний орлого 286 сая төгрөг байсан бол 2018, 2019 онуудад буурч 2020 онд дахин өсч 183 сая төгрөг болжээ.

ГЭР БҮЛИЙН ОРЛОГО: 2017 онд 176 сая байсан бол 2020 онд 263 сая болон өссөн байна.

ОРОН СУУЦ: 2017 онд 650 сая төгрөгийн үнэ бүхий нэг орон сууцтай байсан бол 2018 оноос 950 сая төгрөгийн нэг орон сууцтай болжээ.

АВТОМАШИН: 2017 онд 176 саяар үнэлэгдэх  “Toyota,Land Cruiser 200- 1”, “Toyota,Hilux- 1”-тай байжээ. 2019 онд  325 саяар үнэлэгдэх Жийп болон туулах чадвар өндөр, “Lexus, 570- 1”, Жийп болон туулах чадвар өндөр,”Toyota, Hilux- 1”-тай байж. Харин 2020 онд 25 саяар үнэлэгдэх “Mitsubishi, L-200 пикап- 1”-тай болсон гэж мэдүүлжээ.

ХАДГАЛАМЖ: 2017 онд хадгаламжгүй байсан бол 2018 онд 191 сая төгрөгийн хадгаламжтай болжээ. 2020 онд 61 сая болон буурсан байна.

ЗЭЭЛ: 2017 онд 583 саяын зээлтэй байсан бол 2018 онд 366 сая болон буурчээ. Улмаар 2019 онд дахин 500 сая төгрөгийн зээлтэй болж 2020 онд 200 сая болон буурсан байна.

Мөн тэрбээр 35 саяын 48 үхэртэй, 1,4 саяын үнэт эдлэлтэй, “Сэцэнтех” ХХК-д хувь эзэмшдэг юм байна.

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.