Хүүхдийн сэтгэлд шарх үлдээх 5 үл хайхрал

Twitter Print
2020 оны 02-р сар 29-нд 11:20 цагт
Мэдээний зураг,

Биеийн шарх эдгэдэг, сэтгэлийн шарх эдгэдэггүй гэдэг. Бидний гаргаж буй доорх сөрөг хандлагыг хүүхдүүд анзаараагүй, мартсан, уучилсан мэт байдаг ч ирээдүйн зан үйлд ямар нэг байдлаар нөлөөлдөг тул та тэдэнтэй харилцахдаа маш ухаалаг байгаарай.

Бие махбодын хувьд үл хайхрах:

Анхан шатны хэрэгцээ болох хоол хүнс, хувцас, амьдрах эрүүл орчноор дутаах, хүүхдийн дэргэд согтууруулах ундаа, мансууруулах бодис хэрэглэх, зүй зохисгүй үйлдэл үзүүлэх, хүч дорой байдлыг ашиглан гар хүрэх цохиж зодох.

Эрүүл мэндийн хувьд үл хайхрах:

Хүүхдийг өвчнөөс урьдчилан сэргийлэх арга хэмжээ авахгүй, нас сэтгэхүйн хөгжлийн хоцрогдол илэрч байгаа эсэхэд санаа тавихгүй, биеийн зовуурийг тоохгүй байх.

Сэтгэл санааны хувьд үл хайхрах:

Хүүхэдтэй хөндий харилцах, ярилцахгүй байх, хайр халамжаар дутаах, хэн нэгтэй адилтгаж жиших, хүсэл сонирхлыг нь дэмжихгүй байх, басамжилсан үг хэллэг хэрэглэх, олны дэргэд тоглоом доог тохуу хийх, айлган сүрдүүлэх.

ignoring children's emotions-н зурган илэрц

Боловсролын хувьд үл хайхрах:

Хүүхдийн сурч хөгжих боломжийг хаах, хязгаарлах, хичээлийн хэрэгслээр хангахгүй байх, хичээл таслуулах, сургууль завсардуулах, насанд нь тохироогүй хичээлийн агуулгаар шахах.

Ганцаардуулан үл хайрхах:

Бага насны хүүхдийг гэрт ганцааранг нь цоожлон үлдээх, харанхуй өрөөнд суулгаж айлгах, тоглоомын талбайд харгалзах хүнгүй гаргах, найз нөхөдтэйгөө уулзах тоглохыг хориглох, олон нийтийн арга хэмжээнд хүүхдийг оролцуулахгүй байх, хүүхдийг хүүхдээр нь харуулж үлдээх.

ignoring children's emotions-н зурган илэрц

Г. Төмөрзаяа

Хөөрхөн шувуу сургалтын төв

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.