БНСУ-ын Сувон хотод байрлах Хуасоны иммигрэшнд баригдсан Монголын 25 иргэн өнөөдрөөс өлсгөлөн зарлахаа мэдэгджээ.
Тус иммигрэшнд Монголоос 40 иргэн баригдсан бөгөөд хөл хорионы улмаас тэд хоёрдугаар сараас хойш буцаж чадалгүй хоригдож байгаа аж. Улмаар тэдний 25 нь болох 22 эрэгтэй, гурван эмэгтэй өлсгөлөн зарлахаар болсон байна.
Тэд Монгол руу буцах чартер нислэгт хамруулах, БНСУ-д суух Монгол Улсын Элчин сайдын яамнаас тухайн иргэдтэй уулзаж, нөхцөл байдалтай танилцахыг шаардаж байгаа гэнэ. Түр хоригдох байранд ямар ч утас, интернэтгүй, гаднаас дуудлага авах боломжгүй байдалтай байгаа бөгөөд тэдгээр иргэдийн төлөөлөл "Дэлхийн монголчуудын радио"-д хандан өөрсдийн нөхцөл байдлаа мэдээлсэн байна.
Г.Ганаа
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
