Ихэнх япончууд ажлаа цахимаар хийх боломжгүй

Twitter Print
2020 оны 04-р сар 03-нд 12:58 цагт
Мэдээний зураг,

Японд коронавирусын халдвар авсан 235 тохиолдол шинээр бүртгэгдэж, тус улсад КОВИД-19 - өөр өвчилсөн иргэдийн тоо 3329-д хүрчээ.

Эдгээрийн 712 нь Ёкохама боомтод хөл хорионд ороод буй Diamond Princess аяллын хөлөг онгоцон дээр бүртгэгдсэн билээ. Японы нийслэл Токио хотод нэг өдрийн дотор коронавирусын халдвар авсан 97 тохиолдол шинээр бүртгэгдэж, тус хотод нийт 684 хүн КОВИД-19 - өөр өвчлөөд байна. Түүнчлэн уг вирусын халдварын улмаас Японд нийт 74 хүн нас бараад байна. Японы нийслэл Токио хотын дарга Юүрико Койкэ энэ сарын 12 хүртэл иргэдийг гэрээсээ гарахгүй байхыг, гэрээсээ ажиллахыг зөвлөсөн ч нийтийн тээвэр ердийн үеийнхтэй адил ачаалал ихтэй байна.

2019 оны засгийн газрын судалгаагаар Японд үйл ажиллагаа явуулдаг компаниудын 80 хувьд нь нь ажлаа цахимаар явуулах нөхцөл бүрдээгүй болохыг тогтоож байжээ. Өмнөд Солонгост коронавирусын халдвар авсан иргэдийн тоо 10 мянгыг давжээ. Тус улсад коронавирусын халдварын улмаас 174 хүн нас барсан байна. Сарын өмнөхөн коронавирусын халдварын дэгдэлтийн голомт байсан БНСУ коронавирусын халдварын дэгдэлтийг хяналтандаа авч чадсан ба халдвар авсан иргэдийн 60 хувь нь эдгэрээд байгаа аж.

Сингапурт коронавирусын халдварын дэгдэлтийн хоёр дахь давалгаа эхэлж, тус улсад өнгөрсөн пүрэв гарагт коронавирусын халдварын 49 тохиолдол бүртгэгджээ. Нийтдээ Сингапурт КОВИД-19 - өөр 1049 хүн өвчлөөд байгаагийн 266 нь эдгэрч, эмнэлгээс гарчээ. 

Эх сурвалж: CNN

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.