Иргэд амьдрах орчноо тохижууллаа

Twitter Print
2014 оны 08-р сар 12-нд 10:38 цагт
Мэдээний зураг,

Улаанбаатар хотын Захирагчийн Баянхошуу дахь ажлын албанаас “Гэрэлт гудамж” төслийг СХД 8-р хороо Зүүнбаян цагааны 16,17, Баянцагааны 10,11- р гудамжинд хэрэгжүүллээ. Төслийн хүрээнд зуны цаг борооны ус тогтдог 4 нарийн гудамжинд 8 гэрэлтүүлэг хийж, явган хүний зориулалттай, хатуу хучилттай  зам тавьсан байна. Мөн  хотын соёлд иргэдийг уриалан хогоо ил задгай хаяхгүй байхыг сануулсан хогийн сав, сандал байршуулан, хашааг нь будаж мэдээллийн самбар хийжээ. Ингэснээр иргэд хэрэгтэй мэдээллээ гэрийнхээ ойролцоох самбараас авах боломж бүрдсэн байна.

Түүнчлэн “Баянхошуу тэмүүлэл” ТББ-тай иргэд хамтран СХД-ийн 10-р хороо Зүүн баян уулын 16,17-р гудамжинд “Хүүхдийн тоглоомын талбай” төсөл хэрэгжүүлэн үерийн ус зайлуулах шуудуутай сагсан бөмбөгийн талбай, сүүдрэвч, сандал, цэцгийн мандал, элсэн талбай хийсэн байна. Хүүхэд залуусыг чөлөөт цагаа зөв боловсон өнгөрөөхөд зориулсан энэхүү талбайд нэмэлтээр турник, савлуур байршуулан торлосон хашаа хийж  40 м урттай явган хүний зам, гэрэлтүүлэг, хогийн сав тавьжээ.  Энэ нь амьдрах орчноо сайжруулахад иргэдийг оролцуулсан тэдний сэтгэлд хүрсэн ажил болжээ.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.