Новак Жокович Максим Крессиг хоёр сетэд буулган авлаа

Twitter Print
2022 оны 11-р сар 02-нд 15:27 цагт
Мэдээний зураг,

Парисын Мастерс тэмцээний хасагдах шатны тоглолтууд энэ өдрүүдэд явагдаж байна. Тэгвэл өнгөрсөн шөнө тэмцээний шөвгийн 32-ийн шатанд учраа таарсан Новак Жокович Максим Крессиг хоёр сетэд буулган авлаа.

1986 оноос эхтэй уг тэмцээнд Новак Жокович зургаан удаа түрүүлснээр хамгийн олон удаа түрүүлсэн амжилтыг эзэмшдэг.

Өнгөрсөн шөнө Новак Жокович Америкийн Максим Крессиг хоёр сетэд ялснаар Парисын Мастерс тэмцээний аваргын цомоо хамгаалах боломжиндоо нэг шат ойртлоо. Дэлхийн чансааны номер нэгт бичигдэж байгаа тэрээр Америк тамирчин Крессиг 7:6 (7:1) 6:4-өөр буулган авчээ.

Энэ хожил нь 35 настай "Их дуулга"-ын 21 удаагийн аваргын 17 дахь дараалсан ялалт нь байлаа. Тэрээр хэлэхдээ "Энэ бол маш хүчтэй, маш их дарамттай тоглолт байлаа. Энэ тэмцээний эцсийг үзэх хүртэл надад амрах зав байхгүй. Ямартай ч 2:0 харьцаатай хожил авлаа. Завсарлага зөв цагтаа ирсэн нь үр дүнгээ өглөө. Би тоглолтодоо сэтгэл хангалуун байна." гэжээ.

Жокович дараагийн тойрогт Оросын Карен Качановтой таараад байна. Түүний өрсөлдөгч Качановын хувьд өмнө нь энэ тэмцээнд нэг удаа түрүүлж байсан туршлагатай.

Одоогоор шөвгийн 16-ийн шатанд Оросын Андрей Рублев, Норвегийн Каспер Рүүд нар шалгараад байгаа юм.

Дэлгэрмаагийн Баасанжаргал

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.