ШШГЕГ-ын хурандаа Х.Ариунболдыг нэг сар цагдан хорихоор шийдвэрлэлээ

Twitter Print
2020 оны 03-р сар 06-нд 13:45 цагт
Мэдээний зураг,

ШШГЕГ-ын Хорихоос өөр төрлийн ял эдлүүлэх албаны дарга, хурандаа Х.Ариунболдыг АТГ-аас баривчлан, цагдан хорьсон. 

Тодруулбал, түүнийг гуравдугаар сарын 4-ний өдрийн 10.00 цагийн үед ШШГЕГ-ын харьяа цагдан хорих 461-р ангид хүргэсэн байна. Эх сурвалжийн мэдээллээр Х.Ариунболд нь албан тушаал, эрх мэдлээ урвуулан ашиглаж, хорих ангид хоригдож буй ялтнаас авлига авдаг байсан байж болзошгүй юм байна. Тодруулбал бэл бэнчинтэй, урд нь өндөр албан тушаал хашиж байгаад өдгөө ял эдэлж буй хүмүүстэй уулзан, эрүүл мэндийн бичиг гаргаж өгөх, эмнэлэгт хэвтүүлэх хуурамч бичиг баримт бүрдүүлэх зэргээр тусламж, дэмжлэг үзүүлж, үүнийхээ төлөө мөнгө авдаг байсан байна. 

Түүний цагдан хориог үргэлжлүүлэх саналаа АТГ-аас шүүх рүү хүргүүлсэн бөгөөд Сүхбаатар дүүргийн Эрүүгийн хэргийн анхан шатны  шүүхээс яллагдагч Х.Ариунболдод 2020 оны 3 дугаар сарын 6-ны өдрөөс эхлэн нэг сарын хугацаагаар цагдан хорих таслан сэргийлэх арга хэмжээ авах шийдвэрийг гаргажээ.

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.