Италийн дугуйчин “Тур де Франс”-т түрүүллээ

Twitter Print
2014 оны 08-р сар 09-нд 08:27 цагт
Мэдээний зураг,

Мэргэжлийн дугуйчдын хамгийн нэр хүндтэй тэмцээн “Тур де Франс”-ын 2014 оны аварга тодорлоо. Энэ жил Италийн дугуйчин В.Нибали нийлбэр дүнгээр 89:59:06 цагийн амжилтаар бүх тамирчдыг тэргүүлсэн байна. Харин Францын тамирчин Ж.Кристоф Перо, Тибо Пино нар удаалсан аж. Уулсын замын алаг цамцны эзнээр 181 оноотой Р.Майка тодорсон бол ногоон цамцыг нийлбэр дүнгээр 431 оноотой Петер Саган өмссөн. В.Нибали “Тур де Франс”-т түрүүлсэн Италийн арав дахь дугуйчин болж тус улс Франц, Бельги, Испанийн дараа дөрөвт бичигдэж байна.

“Тур де Франс”, “Жир де Итали”, “Вольте Испани” зэрэг мэргэжлийн дугуйчдын тэмцээнээс 100 илүү жилийн түүхтэй “Тур де Франс” хамгийн нэр хүндтэй нь юм. Дээрх уралдаанд АНУ-ын тамирчин Л.Армстронг долоон удаа түрүүлсэн ч сэргээш хэрэглэсэн нь тогтоогдож бүх амжилтаа хураалгасан. Нийтдээ Францын дугуйчид хамгийн их түрүүлсэн бөгөөд Л.Армстронгийн амжилтыг хүчингүйд тооцож тэр жилүүдэд ялагчыг нь тодруулаагүй юм.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.