О.Баасанхүү: Ерөнхийлөгч нарын зочид буудалд төрөх ээжүүдээ оруулъя

Twitter Print
2019 оны 10-р сар 10-нд 11:46 цагт
Мэдээний зураг,

УИХ-ын чуулганы хуралдаанаар хэлэлцэх асуудлын дарааллыг УИХ-ын дарга Г.Занданшатар танилцуулсаны дараа гишүүд горимын санал гаргасан юм.

Харин УИХ-ын гишүүн О.Баасанхүү тун сонирхолтой санал гаргаж, чуулганы индэрээс тодров. Тэрбээр “Хүн амын 50 хувь амьдарч байгаа нийслэлд утаатай, угаартай тэмцэх асуудал байна. Миний ажлын хэсэг ахалж байгаа хуулийн төсөл хэлэлцэх асуудлын дарааллын сүүлд оржээ. Эрүүл мэндийн даатгалын хуулиар хорт хавдартай тэмцэх асуудлыг оруулж байгаа. Нийслэлд утаатай, угаартай тэмцэж байна. Ерөнхийлөгч, Ерөнхийлөгч байсан хүн эмгэнэл илэрхийлж байна. Төрөх гэж байгаа ээжүүдийг Ерөнхийлөгч нарын зочид буудалд байлгаж болохгүй юу. Баянгол, Улаанбаатар, Шангрилла гээд олон зочид буудлуудыг Ерөнхийлөгч нар эзэмшиж байгаа. Авахдаа ямар зөвөөр авсан биш. Баянгол, Улаанбаатар зочид буудлыг олон нийтийнх болгож, яаралтай арга хэмжээ авахад ашигламаар байна. Зочид буудлуудыг хулгай хийж л авсан шүү дээ. Төрөх ээжүүдийн ирээдүй чухал шүү. Өдөр бүр түгшүүртэй мэдээ ирж байна. Олон хүн угаартаж байна. Онц байдал зарлах эрх нь УИХ-д байгаа” хэмээсэн юм. 

Гишүүн энэхүү саналаа өөрийн нийгмийн сүлжээгээр ч мөн хэлэлцүүлээд амжсан байна.

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.