Бразилийн гутамшигт ялагдал шинэ түүхийг бичлээ

Twitter Print
2014 оны 08-р сар 07-нд 08:15 цагт
Мэдээний зураг,

“Бразил-2014” хөлбөмбөгийн дэлхийн аваргын тэмцээн өндөрлөөд удаагүй байна. Нутаг дээрээ аварга болох хүсэлтэй “Самбагийн хаад” шөвгийн дөрөвт гутамшигт ялагдал хүлээж хөлбөмбөгт Германчууд “хаан” суух цаг нь ирсэн гэдгийг баталсан. Мөн энэ дэлхийн аваргаар маш олон дээд амжилтууд шинэчлэгдсэн билээ. Мунидалийн түүхэнд итгэмээргүй олон тоглолт болж байсан. Үүний нэг нь Герман-Бразилийг 7:1-ээр бут ниргэсэн ялалт байлаа. Түүх сөхвөл 1954 оны Швейцарийн дэлхийн цомд Унгар гайхалтай хүчирхэг бүрэлдэхүүнтэй ирж хэсгийн тоглолтонд БНСУ-г 9:0, Германыг 8:3-аар хожиж түрүүлэх нь тодорхой гэж үзэгчид бодож байсан.

Гэвч тэд шигшээд эртний өст Немцүүдэд 3:2-оор хожигдож дэлхийн аварга болох ерөөлгүй улс гэдгээ харуулсан. Унгар 1930 оноос хойш алтан медаль авч үзээгүй юм. 1966 онд Итали хэсгийн тоглолтонд БНАСАУ-д 1:0-ээр ялагдал хүлээж хүчирхэг баг үргэлж хождоггүй анхны жишээ болсон. Мөн 1990 онд Аргентин цомоо хамгаалах зорилготой Италид ирсэн хэсэгтээ Камерунд 1:0-ээр ялагдаж байв. Аваргаа хамгаалах зорилгоо хэсгийн шатнаас биелүүлж чадаагүй дараагийн улс нь Франц байлаа. 2002 онд Ази тивд анх удаа дэлхийн аваргын тэмцээн болоход З.Зидан, Д.Трезге, М.Дисай тэргүүтэй “Гурван өнгөтөнгүүд” нэг ч хожил авч чадаагүй, нэг ч гоол оруулж чадалгүй гутамшигтайгаар нутаг буцсан. Тэд нээлтийн тоглолтонд анх удаа дэлхийн аваргад оролцож буй Сенегалд 1:0-ээр хожигдсон юм. Дээрх тоглолтын өмнөх шөнө Сенегалчууд найрлаж байхад Францын тамирчид хараад ихэд гайхжээ. Харин Африкийн баг аваргуудад хандаж “Бид маргааш та нарыг хожих болно” гэж хэлсэн гэдэг.

Хамгийн сүүлийн итгэмээргүй тоглолтууд нь энэ онд боллоо. Өмнөх дэлхийн аваргын шигшээд тоглосон хоёр баг нэг хэсэгт орсон нь анхнаасаа үзэгчдийн сонирхлыг татсан. Гэвч нисдэг Голландууд өнгөрсөн тэмцээний хариугаа чангахан авна гэж Испанийн хөлбөмбөгчид тааварласангүй. “В” хэсгээс Испани, Голланд шалгарах магадлал өндөр байсан “Ялагдашгүй Армада” Р.Ван Перси, А.Роббен, Д.Кюйт, У.Шнайдер тэргүүтэй улбар шаруудад 5:1-ээр бут ниргүүлж гэртээ харих болзлоо хангасан. Энэхүү дуулиант ялалтын дараа Герман хагас шигшээд нутгийн эзэн багтай оноолт таарсан юм. Бүгд л Бразил хожино хэмээн итгэж байсан Герман машинууд өрсөлдөгчдөө ямар ч боломж олголгүй 7:1-ээр шүүрдэж улмаар алтан медаль энгэртээ зүүсэн.

Хэдийгээр Бразилийн шигшээд Неймар тоглоогүй ч Оскар, Луйс, Халк, Фред зэрэг дэлхийн хэмжээний оддыг Л.Ф.Сколари нэг баг болгож чадаагүй юм. Их санасан газар есөн шөнө хононо гэгчээр Бразил талбай дээрээ дөрөвдүгээр байр эзэлсэн юм.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.