Шоколадыг монголоор “борхош” гэдэг гэнэ...

Twitter Print
2020 оны 02-р сар 14-нд 13:30 цагт
Мэдээний зураг,

Шоколадыг монголоор “борхош” гэдэг гэнэ. Борхошийн шошго дээр үрмэл какао, какао-порошок, какао-масло гэсэн гурван гол бүтээгдэхүүн байх ёстой. Хэрэв ямар нэгэн өөр тос, маслын нэр байвал цэвэр бус хуурамч борхош гэнэ. Жинхэнэ борхош аманд хайлдаг бөгөөд учир нь какао-маслын хайлах температур хүний биеийн хэмтэй ойролцоо байдаг аж.

Борхошийг какаоны модны үрээр хийдэг бөгөөд шинжлэх ухаанд Theobroma cacao гэж XYII зуунд тэмдэглэжээ. Грекээр “амт оруулагч” гэсэн утгатай. Гэвч эртнээс нааш Мексик, Өмнөд Америкаар нутаглаж байсан маяачууд хэрэглэж байжээ. Тэд какаоны модны жимсийг түүж, үрийг нь нунтаглаад халуун ногоотой, хөөсөрсөн, гашуун амттай унд болгон уудаг байжээ.

Алдарт жуулчин Христофер Колумб, Эрнан Кортез нар 1500 оны орчим какаоны үрийг анх Европт авчирчээ. Европчууд үрээр нь юу хийхийг мэдэхгүй байтал Кортез ундаанд чихэр холих санаа сэдсэнээр богинохон хугацаанд Европын хаадын гэр бүлийн тусгай ундаа болон хувирсан.

Харин 1800-аад оны үеэс Англи, Швейцарьт өнөөгийн шоколадтай төстэйг хийж эхэлсэн гэдэг.

-Голландын химич Конрад ван Хутен 1828 онд какаоны тосыг шахаж салгадаг даралтын машин зохиосон нь шоколадыг бөөнөөр үйлдвэрлэхэд хялбар болгосон.

Image may contain: food

-1861 онд Британид Ричард Кадбури анхны хайрцагтай шоколадыг үйлдвэрлэсэн бөгөөд зүрхэн хэлбэртэй хайрцаганд савласан гэдэг. Хүмүүс тэр хайрцагийг нь хадгалж дотор нь хайрын захиануудаа хийж хадгалдаг байжээ.

- 1875 онд Даниел Питер сүүний нунтаг нэмж сүүтэй шоколад гаргасан.

-1879 онд Родольф Линдт шоколад цувих машин зохион бүтээсэн.

-1893 онд Милтон Херши гадуур нь шоколадаар бүрсэн чихэр үйлдвэрлэж эхэлсэн.

-1907 онд “Кisses” нэртэй чихэр үйлдвэрлэснээр шоколадыг хайр дурлалтай холбох сэдэв болсон гэдэг. Шоколад үйлдвэрлэх үед суурь машинаас үнсэх мэт чимээ гардагаас үүдэлтэйгээр ийм нэр өгсөн түүхтэй.

chocolate kisses-н зурган илэрц

Какаоны мод нь жижгэвтэр бөгөөд экваторын дулаан орнуудад ургадаг. Модны жимс нь үл мэдэг шоколад шиг үнэртэй, яльгүй гашуун байдаг бол үр нь бүр ч гашуун ажээ. Какаоны жимсээр хооллодог амьтад гашуун үрийг нь гаргаад хаячихдаг тул илүү өргөн газар нутагт тархан ургадаг. Эдүгээ дэлхийн какаоны гуравны хоёрыг баруун Африк, тэр дотор 43 хувийг Зааны ясан эрэг улс нийлүүлдэг байна.

enjoying chokolate-н зурган илэрц

Жич: Shark Tank нэвтрүүлгээс санхүүжилт авсан Sayan брэндийн шоколад үнэхээр амттай аманд ороод л уусна. Үнийн хувьд Монголын хамгийн үнэтэй шоколад.

Sayan chocolate-н зурган илэрц

Ч.Буянбадрах

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.