Дэлхийн аварга Сайед Моллай Олимпийн алтан медалийн төлөө зодоглоно

Twitter Print
2021 оны 07-р сар 27-нд 16:55 цагт
Мэдээний зураг,

16:50 Сайед Моллай шөвгийн дөрөвт дэлхийн гурван шилдгийг унагасан Австрийн Шамил Борчашвилиг ялж финалд шалгарлаа.

Анх удаа олимпын медаль хүртэх нь ойлгомжтой болсон тэрээр аваргын алтан медалийн төлөө 2021 оны дэлхийн аварга, 2019 оны ДАШТ-ний мөнгөн медальт, европын аварга Бельгийн Маттиас Кассе, Риогийн олимпын хүрэл медальт, 2015 оны дэлхийн аварга Японы Таканори Нагасэ нарын ялсантай барилдана.

---------------------------------------------------------------------------------------------------------------------------------

14:25 Дэлхийн аварга Сайед Моллай шөвгийн наймд 2021 оны ДАШТ-ий мөнгөн медальт, 2020 оны Европын аварга Гүржийн Тато Григалашвилийг ялж, их шөвгийн 4-т шалгарч, медалийн төлөө барилдахаар боловХоёр бөх өмнө нь гурван удаа таарахад Моллай хоёрт нь ялж байв.

Өмнөх барилдаанд Монголын бөх Саид Моллай Азербайжаны залуу од Мурад Фатиевтэй цаг сунгасан хүндхэн барилдаан хийж, тохох мэхээр вазари авч ялсан.

Жүдо бөхийн эрэгтэйчүүдийн -81 кг жингийн эхний шатанд Сайед Моллай Казахстаны Дидар Хамзаг ялсан билээ.

Тэрээр шөвгийн дөрөвт энэ олимпод дэлхийн гурван шилдгийг унагасан Австрийн Шамил Борчашвилитай барилдана.

Медалийн барилдаануудыг 16:00 цагаас EDU, TV9, STAR телевизээр шууд дамжуулна.

Э.Гүнтөмөр

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.