Хятад улс ирэх 5 жилийн төлөвлөгөөгөө батална

Twitter Print
2021 оны 03-р сар 01-нд 14:27 цагт
Мэдээний зураг,

Ирэх долоо хоногт БНХАУ-ын нийслэл Бээжин хотод тус улсын Хоёр Их хурал гэж нэрлэгддэг удирдах дээд байгууллагуудын их чуулган нээлтээ хийнэ.

Уг чуулганаар Хятад улсын ирэх 5 жилийн төлөвлөгөө "14-р таван жилийн төвөлөгөө"-г хэлэлцэн батлах юм. Өнгөрсөн Баасан гаригт БНХАУ-ын Коммунист Намын Төв Хорооны Улс төрийн товчооны хурлаар дээрх төлөвлөгөөний төслийг нарийвчлан хэлэлцжээ.

Уг төлөвлөгөөнд тусгагдсан зарим зорилтоос үзвэл:

- Саяхан ядууралтай хийх тэмцлээ амжилттай өндөрлөж байгааг зарласан бол ирэх 5 жилд дундаж давхаргыг өргөтгөх зорилт дэвшүүлжээ. Одоо тус улсын дундаж давхаргад ойролцоогоор 400,0 сая хүн хамрагдаж байгаа гэнэ.

- Эдийн засгийн өсөлт нь гадаад зах зээлийн эрэлт ба дотоодын хэрэглээний өсөлт гэсэн 2 үндсэн тулгууртай байна.

- Технологийн дэвшлийг хурдасгаж, ШУТ-ын салбарт ихээхэн хөрөнгө оруулалт хийснээр өрсөлдөгч АНУ-ыг гүйцэх,

- Эдийн засгийн хөгжлийг хурдасгаснаар АНУ-ыг гүйцэж түрүүлэн дэлхийн хамгийн том эдийн засаг болох зорилтыг дэвшүүлжээ.

Хэдийгээр 5 жилийн төлөвлөгөөнд тодорхой цаг хугацаа заагаагүй боловч олон улсын судалгааны байгууллагуудын тооцоолж байгаагаар 2028-2029 оны орчим гэхэд Хятад улс дэлхийн хамгийн том эдийн засаг \ДНБ-ны хэмжээгээр\ болох боломжтой гэж тооцоолжээ.

Эх сурвалж: Asia Nikkei news

Н.Энхбаяр

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.