Франц нутаг дэвсгэрээ эрсдэлийн зэргээр ангилж, хөл хориогоо сулрууллаа

Twitter Print
2020 оны 05-р сар 29-нд 10:48 цагт
Мэдээний зураг,

Франц Улсын Ерөнхий сайд олон нийтэд хандаж хөдөлгөөн хязгаарлалтын цуцлах, 2020 оны 6 дугаар сарын 02-ны өдрөөс эхлэх ХОЁРДУГААР ШАТНЫ талаар мэдээлэл хийснээс онцлох хэсгийг хүргэж байна.

1. Францын нутаг дэвсгэрийг шар болон ногоон ангилалд эрсдлийн зэргээр хуваажээ. Ile de France, Mayotte, La Guyane мужууд шар ангилалд үлдэж байна. Бусад мужууд ногоон ангилалд шилжсэн.

2. Амны хаалтыг тогтмол зүүхийг зөвлөж байна.

3. 100 километрийн хөдөлгөөний хязгаарлалт цуцлагдана.

4. ЕХ-ны улсуудтай 6 дугаар сарын 15-наас Франц Улс хилээ нээнэ. ЕХ-ноос гадна улсуудтай хилээ нээх эсэхийг ЕХ-ны Засгийн газар 6 дугаар сарын 15-наас шийдвэрлэнэ.

5. Бага сургууль, дунд сургууль, ахлах сургууль нээх асуудлыг түргэтгэнэ. Францын нутаг дэвсгэрт бүх бага сургуулиуд эхний ээлжинд нээгдэнэ. Дунд сургуулийн хувьд 6-3 дугаар (франц тооллоор) ногоон ангилалд, 6-5 ангиуд (франц тооллоор) шар ангилалд нээгдэнэ. Ахлах сургуулийн хувьд ногоон ангилалд бүгд нээгдэнэ, шар ангилалд тодорхой хэсэг нь нээгдэнэ. Сургуулийн анги бүрт 15-аас доош сурагч хичээллэнэ. Ахлах сургуулийн франц хэлний төгсөлтийн шалгалт цуцлагдав.

6. Ногоон ангилалд буй мужид кафе, бар, ресторан нээгдэнэ. Шар ангилалд буй мужид зөвхөн гадаа террас бүхий хэсэгт үйлчилгээ үзүүлнэ.

7. Бассейн, спортын танхим, урлаг үзвэрийн жижиг газрууд ногоон ангилалд буй газарт 6 дугаар сарын 2-ноос нээгдэнэ. Харин шар ангилалд дээрх бүгд болоод кинотеатр 6 дугаар сарын 22-ноос нээгдэнэ.

8. Спортын арга хэмжээ, шөнийн клуб (диско) 6 дугаар сарын 22 хүртэл хаалттай байна.

9. Парк, цэцэрлэгт хүрээлэнг нээнэ. Үүнд шар ангилалд буй мужууд ч хамаарна.

10. 10-аас дээш иргэд цуглахгүй байх дэглэм үргэлжилнэ.

11. Stop Covid нэртэй аппликейшныг утсандаа суулгахыг зөвлөв. Уг апп apple store болон playstore-д орсон байна.

Иймд тус улс дахь Монгол Улсын ЭСЯ-наас иргэддээ сайн мэдээ хүргэж буйдаа баяртай байгааг илэрхийлэхийн ялдамд шинэ долоо хоногоос хэрэгжих шинэ нөхцөл, нээлттэй атлаа вирус бүхий орчинд өндөр анхаарал болгоомжтой, эрүүл ахуйн дэглэмийг сайтар мөрдөж амны хаалт тогтмол хэрэглэхийг зөвлөж байна.

Эх сурвалж: Франц улсад суух Монгол Улсын Элчин сайдын яам

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.