Сургууль, цэцэрлэгийн үйл ажиллагааг 9 дүгээр сарын 1-нээс эхлүүлэхээр боллоо

Twitter Print
2020 оны 07-р сар 28-нд 15:56 цагт
Мэдээний зураг,

УОК-ын хуралдаанаас гарсан шийдвэрийг танилцуулж байна. Хуралдаанаар:

КОВИД-19 халдварын нөхцөл байдлын талаар, Гамшгаас хамгаалах өндөржүүлсэн бэлэн байдлын зэрэгт шилжүүлсэн хугацааг сунгах эсэх, Есдүгээр сарын 01-ний өдрөөс бүх шатны сургуулиуд болон цэцэрлэгүүдийн үйл ажиллагааг үе шаттайгаар нээх эсэх зэрэг асуудлуудыг хэлэлцэн шийдвэрлэлээ. УОК өндөржүүлсэн бэлэн байдлын хугацааг ирэх сарын 31-нийг хүртэл СУНГАХ САНАЛ ГАРГАЛАА.

Маргааш болох Засгийн газрын хуралдаанаар эцсийн шийдийг гаргана. Шийдвэрийг ОБЕГ-ын дарга Г.Ариунбуян танилцуулав. Тэрээр -Дэлхий даяар 16.4 сая хүн халдвар авч, 655 мянган хүн нас барсан. Иймд дэлхийн олон оронд онц байдал зарласан. 22 улсад хөл хорио тогтоогоод байна. 88 улс хилээ хэсэгчлэн болон урт хугацаагаар хаагаад байна. Манай улстай хил залгаа БНХАУ-д хоногт олон мянган тохиолдол нэмэгдсээр байна. Сүүлийн өдрүүдэд шинж тэмдэггүй өвчлөл бүрхэгдсээр байна. ОХУ-ын хувьд бидэнтэй хил залгаа мужуудад 4-12 мянган тохиолдлыг бүртгээд байна. Манай улсад нийт зөөвөрлөгдөн орж ирсэн 289 тохиолдлыг бүртгэгдсэн. Тэдний 73 хувь нь 0ОУ-аас ирсэн иргэд байна. 222 хүнийг эмчилсэн. Энэ бүхнийг харгалзан өндөржүүлсэн бэлэн байдлын хугацааг сунгасан.

ГХЯ-ны Консулын газрын дарга Л.Мөнхтүшиг УОК-ын хуралдааны дараа наймдугаар сард хийхээр төлөвлөж буй тусгай үүргийн нислэгийн талаар мэдээлэл хийлээ. Наймдугаар сард нийт найман чиглэлд 14 удаагийн нислэг үйлдэхээр төлөвлөж байна. Үүнээс Сөүл рүү 3 нислэг, Европоос иргэдээ татахаар Франкфурт руу 3, Токио руу 2 удаа, Сидней нэг, Энэтхэг, Вьетнамд байгаа иргэдээ татахын тулд нэг удаа, Туркийн Истамбул руу нэг АНУ руу нэг удаагийн нислэг хийхээр төлөвлөж байна. Мөн Олон улсын шилжилт хөдөлгөөний байгууллагын шугамаар Чех улсад байгаа 100 гаруй иргэнийг татаж авахаар Чехийн онгоцыг хүлээж авах тул нийт найман чиглэлийн 14 удаагийн нислэгээр 3460 иргэнийг татаж авахаар боллоо. 

1. БНСУ Сөүл 2020.08.01
2. АНУ Сиатлл 2020.08.05
3. БНЭУ Шинэ Дели/Ханой 2020.08.06
4. Япон Токио 2020.08.07
5. ХБНГУ Франкфурт 2020.08.08
6. БНЧУ Прага 2020.08.10
7. БНСУ Сөүл 2020.08.14
8. БНСУ Сөүл /транзит/ 2020.08.15
9. БНТУ Истанбул 2020.08.20
10. ХБНГУ Франкфурт 2020.08.21
11. БНСУ Сөүл 2020.08.22
12. Япон Токио 2020.08.24
13. ХБНГУ Франкфурт 2020.08.26
14. Австрали Сидней
/Австрали, Зүүн Өмнөд Ази/ 2020.08.27

Тусгаарлах байны хүрэлцээ зэргийг харгалзан АНУ, Бүгд Найрамдах Казахстан Улс зэрэг улс руу нэмэлтээр тусгай үүргийн дөрвөн нислэг үйлдэх боломжийг судлаж байна.

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.