Энэтхэг нүүрсээр ажилладаг эрчим хүчний станцуудынхаа тоог нэмэгдүүлнэ

Twitter Print
2021 оны 04-р сар 20-нд 13:52 цагт
Мэдээний зураг,

Дэлхий нийтээрээ нүүрснээс татгалзаж байгаа энэ үед Энэтхэгийн эрх баригчид нүүрсээр ажилладаг эрчим хүчний станцуудынхаа тоог нэмэгдүүлэхээр төлөвлөж буй талаар Ройтерс агентлаг мэдээлж байна.

Энэтхэгийн 2021 оны Үндэсний Эрчим хүчний бодлогод Энэтхэг улс нүүрсээр ажилладаг эрчим хүчний станцуудынхаа тоог нэмэгдүүлэх тухай тусгажээ. 2020 онд Энэтхэгт эрчим хүчний станцад ашиглах зорилгоор нийлүүлж байсан нүүрсний хэмжээ хоёр дахь жилээ дараалан буурсан үзүүлэлттэй байсан ч Энэтхэгийн нийт цахилгаан эрчим хүчний ¾-ынх гол түүхий эд нүүрс хэвээр байна.

Дэлхийд хүлэмжийн хий ялгаруулалтаараа 3-т ордог Энэтхэгт нүүрсээр ажилладаг эрчим хүчний станц нэмэгдэх нь агаарын чанарт сөргөөр нөлөөлнө хэмээн байгаль хамгаалагчид онцолж байгаа ба тус улсад нарны болон салхины эрчим хүчний үнэ урьд хожид байгаагүйгээрээ буураад байгаа нь сэргээгдэх эрчим хүчээр дагнах боломж гэдгийг дурджээ. Нөгөө талаас Энэтхэгийн эрх баригчид шинээр баригдах дээрх эрчим хүчний станцуудад илүү өндөр шаардлага тавьж, агаарын бохирдлыг бууруулах стандартыг нь чангатгаж байгаа гэжээ.

Эх сурвалж: reuters

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.