Монгол Улс өрсөлдөх чадвараараа гурван байр ухарч, 102-т жагсчээ

Twitter Print
2019 оны 10-р сар 10-нд 08:36 цагт
Мэдээний зураг,

Дэлхийн эдийн засгийн чуулганаас жил тутам гаргадаг “Дэлхийн өрсөлдөх чадварын индекс”-т Монгол Улс өмнөхөөсөө гурван байр ухарч, 102-т жагсчээ.

Өрсөлдөх чадварын тайланд дурьдсанаар, Монгол Улс 52.6 оноо авсан байх бөгөөд энэ нь өмнөх оноос 0.1 пунктээр буурсан үзүүлэлт юм. Харин жагсаалтыг Сингапур тэргүүлж, АНУ хоёрт, гуравдугаарт Хонконг бичигдсэн бол эхний 10-т Нидерланд, Швейцар, Япон, Герман, Швед, Их Британи болон Дани улс орсон байна. 141 улс багтсан уг жагсаалтад Конго, Йемен болон Чад улс сүүл мушгисан аж.

Эдийн засгийн бодлогодоо дэд бүтцийг хөгжүүлэх, хөдөлмөрийн чадварыг дээшлүүлэх болон шинжлэх ухааны судалгаа шинжилгээ, эмзэг бүлгийн иргэдийг дэмжих чиглэл баримталдаг улс орнууд "эдийн засгийг өсгөх уламжлалт хүчин зүйлүүдэд дан ганц анхаардаг орнуудаас илүү их амжилтад хүрч байна" гэж Дэлхийн эдийн засгийн чуулганы дарга бөгөөд үүсгэн байгуулагч Клаус Шваб өрсөлдөх чадварын индексийг нийтэлсэнтэй холбогдуулан цохон тэмдэглэжээ.

Image result for Competitiveness Index

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.