Токиогийн олимпын нээлт болох стадион 68,000 хүний суудалтай

Twitter Print
2021 оны 07-р сар 23-нд 10:07 цагт
Мэдээний зураг,

Өнөөдөр Улаанбаатарын цагаар 19 цагт эхлэх Олимпын нээлтийн стадионы талаар ээлжит мэлээлэл өгье.

Энэ жилийн Зуны Олимп түүхэндээ хамгийн өндөр өртөгтэй болж байгаа. Ер нь Олимпийн наадам зохиогдох бүртээ өмнөхөөсөө давдаг уламжлалтай болсон гэхэд хилсдэхгүй. Тэгвэл энэ жилийн зуны Олимпийн наадмын хамгийн эхний зардал нь шинээр бүтээн байгуулсан Стадион байжээ.

Ирак гаралтай архитектор Заха Хадид хэмээх бүсгүйн загварчилсан шинэ стадион 2 тэрбум ам. доллар болсон учраас Японы иргэдээс ирэх гомдлын дагуу Шинзо Абе төслийг зогсоохоос өөр аргагүй болсон гэнэ. Ингээд оронд нь Японы архитектор Кенго Кумагийн загвараар бүтээн байгуулалтын ажлыг эхэлсэн юм. Гэсэн хэдий ч өртөг нь бас л 1.4 тэрбум ам. доллар болсон байна.

Хуучин стадионы суурин дээр барьсан Үндэсний стадион хэмээх энэ стадион нь 68 мянган хүний суудалтай, мод болон ган төмөр хослуулан барьжээ. Архитектор Кенго Кума Японы 47 муж болгоноос цуглуулсан модыг ашигласан байна.

Жич: Олимпийн түүхэнд хамгийн өндөр зардалтай нь 2014 оны Сочигийн Өвлийн Олимп байжээ. Нийт зардал нь 55 тэрбум ам. доллар хүрсэн юм.

Г.Ганхүү

Япон улс

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.