Итали Хятадын Нэг бүс-Нэг зам санаачлагаас гарах хүсэлтэй байна

Twitter Print
2023 оны 07-р сар 31-нд 10:53 цагт
Мэдээний зураг,

Италийн Батлан хамгаалахын сайд Гуидо Крозетто өнгөрсөн ням гарагт нийтлэгдсэн ярилцлагадаа Итали улс Хятадын "Нэг бүс-Нэг зам" санаачлагад нэгдэх шийдвэр гаргасан нь "жигшмээр" явдал байсан хэмээн тодорхойлж, италичуудын өмнө Бээжинтэй харилцаагаа хэвээр хадгалж үлдэнгээ "Нэг бүс-Нэг зам" санаачлагаас хэрхэн гарах вэ гэсэн асуудал босоод байгааг онцолжээ.

Тэрээр Хятадын импортын бараа бүтээгдэхүүний хэмжээ хэд дахин нэмэгдэхтэй зэрэгцэн Италийн өмнөх засгийн газар Италийн экспортыг нэмэгдүүлэх тал дээр ямар ч арга хэмжээ аваагүй хэмээн шүүмжилжээ.

Итали улс 2019 онд Хятадын "Нэг бүс-Нэг зам" санаачлагад нэгдсэн ба барууны томоохон гүрнүүдээс уг санаачлагад нэгдсэн цорын ганц улс болсон юм.

Италийн Батлан хамгаалахын сайд Гуидо Крозетто "Нэг бүс-Нэг зам" санаачлагаас гарах шийдлийг олох зорилго доор нэгдсэн засгийн газрын гишүүдийн нэг аж. Бээжин "Нэг бүс-Нэг зам" санаачлага нь Хятадыг Ази болон Европтой холбож байсан Торгоны замыг сэргээх зорилготой төсөл гэдгийг онцолж, тус санаачлагад нэгдсэн улс орнуудын авто зам, дэд бүтцийн бүтээн байгуулалтанд их хэмжээний хөрөнгө оруулалт хийсэн билээ.

Нөгөө талаас олон улсын ажиглагчид уг санаачлагыг Бээжин өөрийн геополитик, эдийн засгийн нөлөөгөө нэмэгдүүлэх хэрэгсэл болгон ашиглаж, дэлхийд ноёрхлоо тогтоохыг оролдож байна хэмээн үзэж байгаа юм. БНХАУ 2008-2021 оны хооронд "Нэг зам-Нэг бүс" санаачлагын хүрээнд гадаадын улс орнуудад нийт 240 тэрбум ам.долларын санхүүжилт олгожээ.

Гуидо Крозетто, "Бээжинтэй харилцаагаа муутгахгүйгээр "Нэг бүс-Нэг зам" санаачлагаас хэрхэн гарах вэ гэдэг асуудал өнөөдөр тулаад байна.

Бээжин бол өрсөлдөгч, гэхдээ нөгөө талаас түнш." хэмээн онцлохын зэрэгцээ БНХАУ-ын дэлхийн хамгийн том зэвсэгт хүчинтэй улс болох гэсэн хүсэл, нэр нөлөөгөө ялангуяа Африкт нэмэгдүүлэх гэсэн оролдлого зэргийг дурджээ.

АНУ-ын Ерөнхийлөгч Жо Байдентай өнгөрсөн пүрэв гарагт Цагаан ордонд хийсэн уулзалтынхаа дараа Италийн Ерөнхий сайд Жоржа Мелони удахгүй Бээжинд айлчлахаа мэдэгдэж, Италийн засгийн газар "Нэг бүс-Нэг зам" санаачлагаас гарах эсэх шийдвэрээ 12-р сар гэхэд танилцуулна гэжээ.

Эх сурвалж: CNN

Содномцэрэнгийн Энхзаяа

mongolcom.mn

 
 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.