Цар тахал эхэлснээс хойш Хятадад нэг өдөрт халдварын хамгийн олон тохиолдол бүртгэгдлээ

Twitter Print
2022 оны 11-р сар 25-нд 11:06 цагт
Мэдээний зураг,

Хятадын эрх баригчид коронавирусын халдварын эсрэг хатуу арга хэмжээ авсаар байгаа ч өнгөрсөн лхагва гарагт тус улсад КОВИД-19 өвчний 31 527 тохиол бүртгэгдсэн нь цар тахал эхэлснээс хойш тус улсад нэг өдөрт бүртгэгдсэн хамгийн өндөр тоо юм.

Хятадын Бээжин, Гуаньжоу зэрэг томоохон хотууд халдварын голомт болоод байна. 1.4 тэрбум хүн амтай тус улсын хувьд дээрх тоо нь харьцангуй багад тооцогдох юм.

Цар тахал эхэлснээс хойш Хятадад коронавирусын халдварын улмаас 5200 хүн нас барсан билээ. Энэ нь тус улсын хүн амын 1 сая хүн тутамд 3 нас баралт бүртгэгдсэн гэсэн үг юм. Тэгвэл АНУ-д 1 сая хүн тутамд 3000, Их Британид 2400 нас баралт тус тус бүртгэгджээ.

Хятадууд цар тахлын эсрэг бодлогынхоо ачаар олон хүний амийг аварсан ч уг бодлого нь тус улсын эдийн засаг, энгийн иргэдийн амьдралд хүндээр тусаж байгаа юм.

Хятадын эрх баригчид цар тахлын эсрэг хязгаарлалтынхаа заримыг суллаж, өнгөрсөн хавар Шанхайд тогтоосонтой адил хөл хорио тогтоохоос зайлсхийхийг хичээж байгаа аж.

Гэсэн ч Бээжин хотод коронавирусын цар тахалтай холбоотой нас баралт бүртгэгдсэнээс хойш эрх баригчид тус хотын зарим дүүрэгт хөл хорио тогтоож, дэлгүүр, сургууль, зоогийн газруудын үйл ажиллагааг зогсоогоод байна.

Зургаан сая хүн амтай Жэнжоу хотод мөн хөл хорио тогтоож болзошгүй нөхцөл байдал үүсээд байгаа ба тус хотод байрлах iPhone гар утасны үйлдвэрийн ажилчид хөл хориог эсэргүүцэж, эмх замбараагүй байдал үүсгэжээ.

Эх сурвалж: BBC

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.