Хакухо Даваажаргал өнөөдөр эх орондоо ирнэ

Twitter Print
2014 оны 07-р сар 28-нд 12:30 цагт
Мэдээний зураг,

Мэргэжлийн сумод 30 дахь удаагаа түрүүлж оргил амжилтын эзэн болсон Хакухо Даваажаргал өнөөдөр эх орондоо ирнэ. Нагоя башёд аваргын буурь зааж эцсийн мөчид түрүүлсэн Хакухо хамгийн анх 2006 оны гуравдугаар сард эзэн хааны цом хүртэж байв. Түүнээс хойш 30 удаа түрүүлэхдээ есөд нь 15-0 гэсэн амжилтаар түрүүлж рекорд тогтоосон. Мөн 2010 оны гураваас есдүгээр сарын хооронд дөрвөн башё дараалан 15 даваа, нэг ч уналгүй түрүүлж цагийг эзэлсэн их аварга гэдгээ батлан харуулсан юм.

Одоо түүний өмнө 31 түрүүлсэн Чиёонофүжи, 32 түрүүлсэн Тайхо аваргууд л байна. Ид залуу насан дээрээ яваа Хакуход дахиад олон түрүүлэх боломж байгаа учир сумогийн түүхэнд Монгол аварга нэрээ цуурайтуулах цаг ойртсоор байна.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.