Нойрны ач холбогдол ба нойрны эрүүл мэнд гэж юу вэ

Twitter Print
2020 оны 10-р сар 13-нд 10:17 цагт
Мэдээний зураг,

Нойр нь таны бие болон тархийг сэргээж, гадаад орчноос авсан мэдээ мэдээлэл, сэтгэгдлийг боловсруулан таныг амрааж эд эсээ нөхөн сэргээхэд чухал үүрэг гүйцэтгэдэг. Сайн унтаж амарсны ачаар өдөр тутамд тохиолдох стресс болон ажлынхаа ачааллыг илүү амархан даван туулах эрч хүчийг олж авж чадна. Унтах нь аливаа өвчинд нэрвэгдэх аюулыг бууруулдаг.

Нойрсох үед таны биед ямар өөрчлөлтүүд болдог вэ?

Бие болон тархийг сэргээн амрааж гадаад орчноос авсан олон төрлийн мэдээлэл, түүнээс авсан сэтгэгдлүүдийг боловсруулахад чухал үүрэгтэй. Унтах үед бие тайвширж цусны даралт ба зүрхний цохилт багасан биеийн температур буурдаг. Мөн амьсгалын тоо цөөрч булчин сулардаг. Тархины зарим хэсгийн үйл ажиллагаа буурдаг. Үүний зэрэгцээ дурсамж хадгалагдаж, шинэ мэдлэг, шинэ сэтгэгдлийг боловсруулдаг.

Унтах үед хүний ​​дархлаа идэвхжиж, чухал гормонууд ялгардаг. Үүний зэрэгцээ стрессийн дааврын ялгарал буурна. Унтах нь:

-Зүрх судасны өвчин,

-Чихрийн шижингийн 2-р хэлбэр,

-Сэтгэлийн хямрал,

-Ядаргааны хам шинж өвчнүүдийн эрсдлийг бууруулдаг.

Бага насны хүүхэд болон өсвөр насныхан унтах нь маш чухал бөгөөд учир нь тэр үед өсөлтийн даавар үүсдэг. Нойрны хэрэгцээ нь наснаасаа хамааран янз бүр байна. Насанд хүрэгчид ихэвчлэн өдөрт 6-9 цаг унтаж амарахад хангалттай. Гэхдээ энэ нь хүн бүрт харилцан адилгүй байдаг. Энэ нь таны нойр хэр зэрэг чанартай байснаас мөн хэр их гүн нойрссоноос хамаарч өөр өөр байдаг.

Нялх нярай хүүхэд, өсвөр насныхан илүү их унтах шаардлагатай байдаг. Шинээр төрсөн хүүхэд өдөрт 20 орчим цаг унтдаг. Дараа нь өсвөр насныхан шилжилтийн насны үедээ нойрны хэрэгцээ нэмэгддэг. Нас ахих тусам унтах хэрэгцээ буурдаг. Өсвөр насныхан ихэвчлэн өдөрт 8-9 цаг унтах естой байхад 60 настай хүмүүс ихэвчлэн 6 цаг орчим унтахад хангалттай байдаг. Нойр нь хэд хэдэн сикелд хуваагддаг. Нойрны сикел бүрийн үе шатууд нь хоорондоо ээлжлэн солигддог.

-Унтах эхний үе шат. Энэ үе шатанд унтах нь өнгөцхөн бөгөөд та амархан сэрдэг.

- Ердийн нойр гэж нэрлэдэг суурь нойр.

- Гүн нойр. Энэ үе шатанд биеийн нөхөн сэргэлтийн үйл ажиллагаа явагдана. Уураг тархи илүү удаан ажиллах ба стрессийн дааврын ялгаралт буурдаг. Гүн нойрны үед булчин суларч, сэрэхэд хэцүү болдог. Хэрэв та энэ үе шатанд сэрсэн бол та эргэлзэж магадгүй бөгөөд сэрэхээс өмнө цаг хугацаа шаардагдана.

-REM нойр буюу зүүдний нойр гэж нэрлэдэг. REM гэдэг нь нүдний хурдан хөдөлгөөн гэх ба энэ нойрны үед хүний бүтээлч байдал бас логик сэтгэлгээг бий болоход маш чухал үүрэгтэй. Энэ нойрондоо ихэвчлэн зүүдэлдэг.

Нойрнуудын үе шатууд 90 минут орчим үргэлжлээд хоорондоо шилжих замаар явагддаг. РЕМ нойр буюу зүүдний нойр эхэлэлт ихэвчлэн үүрээр явагдах өа энэ үед бие организмыг сэрээх байдалд бэлдэн идэвхтэй ажиллаж эхлэх үе юм. Гүн нойр нь хүний ​​биеийг сэргээхэд чухал үүрэгтэй. Бие ба тархи хангалттай сэргэхийн тулд таны гүн нойр хангалттай байх хэрэгтэй. Хэрэв нойргүйдэл урт хугацаагаар үргэлжилэх тохиолдолд заавал шалтгааныг аль болох илрүүлэх хэрэгтэй.

Унтаж чадахгүйгээс болоод бидний цадалт болон өлсгөлөнг зохицуулдаг дааварууд тэнцвэрээ алдаж өлсөх нь илүү давамгайлж түүнтэй холбоотой их идэх тохиолдол бий. Үүний хор уршиг нь жин нэмэх нэг шалтгаан бно. Нойр дутуу байх нь цусан дахь сахарын тэнцвэрт байдалд сөргөөр нөлөөлж, чихэрлэг зүйл их идэхэд хүргэдэг. Ингээд хэрхэн сайн унтах тал дээр зөвөлгөө өгөе.

1. Өдрийн гэрэлд аль болох сайн байх эсвэл алхах.

2. Дасгал хөдөлгөөн хийх. Энэ бидний эсээс ялгарах adenosin ялгаралтыг ихэсгэснээс нойр сайн хүргэнэ.

3. Тогтмол цагт хэвтэж босох заншилтай болох.

4. Өдөр унтахаас зайлсхий.

5. Кафе, цай, кола бас энерги өгдөг ундаанаас зайлсхийх. Кофеен бид нарын чухал ресептерийг хааснаас сэргэг байдалд оруулдаг тул өдрийн 15 цагаас хойш дээрхи зүйлүүдийг уухгүй байх хэрэгтэй.

6. Унтахаасаа өмнө сайхан тайвширж сур , бас бясалгал хийж болно.

7. Архи болон согтууруулах ундаа лгт бүү хэрэглэ. Согтууруулах ундааны бүх төрөл мелатонины ялгаралтыг бууруулж бид олон удаа сэрдэг.

8. Утасаа унтрааж хэвтэхээсээ өмнө хөх туяанаас хамгаалах.

9. Өрөөнийхөө халууныг 18,3 хэмд байхаар сайхан салхи оруулна. Энэ нь хамгийн тохиромжтой хэм. Гэхдээ өөрсдөө тохируулна.

10. Цагаа нүүрлүүгээ харуулахгүй. Сэрүүн хэвтэх үед цагаа харж стресст ордог.

11. Хэрэв 20-30 минутанд унтаж чадахгүй бол шууд босоод 20 минут жаахан өөрийгөө саатуулна. Гэхдээ ТВ үзэхгүй. Хувцасаа эвхэж бно. Амьсгалын дасгал хийж болно.

12. Нэг өдөр болон хэдэн өдөр муу унтлаа гээд хямраад хэрэггүй унтахгүй сууж байгаад яг нойроо хүрэхээр орондоо орох нь чухал. Нойрны хэмжээг хүчээр багасгах бас ийм төрлийн эмчилгээ бий. Нарийн зөвөлгөөг тусадаа авж болно.

13. Унтсангүй гээд стресстэхгүй байх нь хамгийн чухал дараагийн өдрөө хүн нойроо сайн авах тохиолдол олон.

14. Бүр унтаж чадахгүй олон сараар явж байгаа бол эмч болон сэтгэл зүйчид хандаарай.

Эх сурвалж: Эрүүл мэнд, дасгал хөдөлгөөн ба зөв хооллолт

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.