Архангайд байгалийн гамшигт үзэгдэл болжээ

Twitter Print
2014 оны 07-р сар 28-нд 09:50 цагт
Мэдээний зураг,

Архангай аймгийн Хашаат сумын Номгон багийн нутаг “Хөөвөр” гэдэг газар хүчтэй хуй салхи салхилж, мөндөр орсны улмаас иргэн Ч, Ц, Д, Б, И нарын 5 өрх айлын 5 гэр, 3 байшин нурж, иргэн Ц /50 настай, эрэгтэй/ нь “Маяти” загварын автомашинтай осолдож нас барж, иргэн Б /83 настай, эрэгтэй/, А /40 настай, эрэгтэй/ нар гэмтэж сумын эмнэлэгт, иргэн А /82 настай, эрэгтэй/, Ж /68 настай, эмэгтэй/, Ц /32 настай, эмэгтэй/, Ц /38 настай, эрэгтэй/, Д /11 настай, эмэгтэй/, Д /11 настай, эмэгтэй/, Д /1 настай, эрэгтэй/ нар хүндэвтэр гэмтэж Булган аймгийн Рашаант сумын эмнэлэгт тус тус хүргэгдсэн байна.

Ус цаг уур орчны шинжилгээний хүрээлэнгийн цаг агаарын урьдчилсан мэдээгээр тухайн цагт салхины хурд 12 метр секунт байна хэмээн мэдээлж байсан боловч салхины хурд 50 метр секунтэд хүрч байгалийн гэнэтийн гамшигт үзэгдэл болсон байна.

Мөн хүчтэй хуй салхины улмаас дээрхи айлуудын 40 адуу, 100 хонь, 40 ямаа, 20 үхэр нийт 200 толгой мал хорогдсон бөгөөд Аймгийн онцгой комисс, Онцгой байдлын хэлтэс, цагдаа, шүүхийн байгууллагын алба хаагчид хохирлын хэмжээг тогтоохоор ажиллаж байна.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.