Шотландад охид бүсгүйчүүд ариун цэврийн хэрэглэлийг үнэгүй авч болох боломжтой болжээ

Twitter Print
2020 оны 11-р сар 25-нд 11:32 цагт
Мэдээний зураг,

Шотланд улс эмэгтэйчүүдийн ариун цэврийн бүх төрлийн хэрэглэлийг үнэгүй болгосон дэлхийн анхны улс болжээ. Шотландын парламент өнгөрсөн мягмар гарагт Ариун цэврийн хэрэглэлийг үнэгүй болгох тухай хуулийн төслийг санал нэгтэйгээр дэмжиж, баталсан байна.

Уг хуулийн төслийн дагуу ерөнхий боловсролын сургууль, их дээд сургууль зэрэг олон нийтийн байгууллагууд нь охид бүсгүйчүүдэд ариун цэврийн хэрэглэлийг үнэгүй олгох ба орон нутгийн удирдлагууд болон боловсролын байгууллагууд ариун цэврийн хэрэглэлийг үнэгүй олгох тал дээр хяналт тавьж ажиллаж аж. 2017 оны судалгаагаар Их Британийн Нэгдсэн Вант улсад 10 охин тутмын 1 нь ариун цэврийн хэрэглэл авч чаддаггүй нь тогтоогджээ.

Түүнчлэн 14-21 насны охидын тал орчим хувь нь сарын тэмдгээсээ ичдэг, сарын тэмдгээсээ болж хичээлээ тасалдаг гэж гарсан байна. Энэтхэгт л гэхэд 355 сая эмэгтэйчүүдийн 12 орчим хувь нь буюу 42 сая эмэгтэйчүүд сарын тэмдэг нь ирсэн үедээ ариун цэврийн хэрэглэл авч чаддагүй нь судалгаагаар тогтоогдсон байдаг. Шотландын парламент эмэгтэйчүүдийн аиун цэврийн хэрэглэлийн үнэгүй болгох тухай хуулийн төслийг дэмжсэн нь олон улсын хүний эрхийг хамгаалах, эмэгтэйчүүдийн эрхийг хамгаалах байгууллагуудын талархлыг хүлээгээд байна. Уг хуулийн төслийг өнгөрсөн жил парламентад танилцуулсан Моника Леннон Шотландын парламентын шийдвэр ариун цэврийн хэрэглэлийг бүгдэд хүртээмжтэй, үнэгүй болгох нь боломжтой гэдгийг дэлхий дахинд харууллаа гэдгийг онцолжээ.

Шотландын Тэргүүн сайд Никола Стөржин өөрийн твиттер хуудаснаа уг хуулийн төслийг бахархалтайгаар дэмжсэн хэмээн уг хуулийн төсөл нь охид бүсгүйчүүдийн хувьд маш чухал хуулийн төсөл болсон хэмээн онцолжээ. 2018 онд Шотландын засгийн газар ерөнхий боловсролын сургууль, коллеж, их дээд сургуулиудад эмэгтэйчүүдийн ариун цэврийн хэрэглэлийг үнэгүй олгох тухай хуулийн төслийг баталсан бол 2019 онд ариун цэврийн хэрэглэлийг номын сангууд, амралт чөлөөт цаг өнгөрүүлэх газруудад мөн үнэгүй олгож эхлэх тухай хуулийн төслийг баталсан аж.

Эх сурвалж: Cnn

Содномцэрэнгийн Энхзаяа 

mongolcom.mn

 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.