Шанхайн оршин суугчдын бухимдал нэмэгдсээр байна

Twitter Print
2022 оны 04-р сар 12-нд 11:19 цагт
Мэдээний зураг,

Хятадын хамгийн олон хүн амтай хот, эдийн засгийн төв гэгддэг Шанхай хотод өнгөрсөн даваа гарагт коронавирусын халдварын 25 мянга гаруй тохиолдол бүртгэгдсэн ч хотын удирдлагууд тус хотод тогтоосон хөл хориогоо хэсэгчлэн суллахаар болжээ.

Хоёр долоо хоног гаруй үргэлжилсэн хөл хорио иргэдийн бухимдлыг төрүүлж, хотын зарим оршин суугчид хоол хүнс, эм тарианы хомстолд ороод байна. 26 сая хүн амтай Шанхай хотын удирдлагууд өнгөрсөн 2 долоо хоногт коронавирусын халдвар бүртгэгдээгүй дүүргүүдийн хөл хориог суллахаар төлөвлөсөн ба тухайн дүүргийн иргэд хөл хорио нь цуцлагдаагүй дүүргүүд рүү зорчиж болохгүй аж.

Нийгмийн сүлжээнд тархсан бичлэг дээрээс Шанхай хотын иргэд тагтан дээрээ гарч, хөл хорионоос залхаж, эсэргүүцэн орилж байгааг харж болох юм.

Түүнчлэн Шанхай хотын иргэд хөл хорионы дэглэмээс болж эмнэлгийн тусламж үйлчилгээ цаг тухайд нь авч чадахгүй байгаа тухайгаа, хоол хүнс худалдан авах хүндрэлтэй тулгарч, ойр дотныхоо хүмүүстэй салах ёс гүйцэтгэж чадаагүй тухайгаа нийгмийн сүлжээнээ хуваалцсаар байна.

Эх сурвалж: The Guardian

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.