Хятадын Хэнан мужийн хотууд үеэрт автжээ

Twitter Print
2021 оны 07-р сар 21-нд 10:37 цагт
Мэдээний зураг,

Их хэмжээний хур тунадас орсны улмаас Хятадын төв хэсэг үерт автаж, зам талбай, метроны буудлууд бүхэлдээ усан доор орж, иргэд гэр орноо орхиход хүрчээ. Хятадын Хэнан мужид үерийн аюулаас сэргийлэн 10 мянга гаруй иргэдийг нүүлгэн шилжүүлжээ. Үерийн улмаас Жэньжоу хотод багадаа 12 хүн амиа алдсан талаар албаны хүмүүс мэдээлж байна.

Үерийн гамшигт Хэнан мужийн 10 гаруй хот нэрвэгдэж, авто замын хөдөлгөөнийг хааж, нислэгүүдийг цуцлахад хүрчээ. 94 сая хүн амтай Хэнан мужид их хэмжээний хур тунадас орсонтой холбоотойгоор эрх баригчид цаг агаарын гашгийн эрсдлийн хамгийн дээд түвшингийн анхааруулгыг гаргажээ.

Үерийн гамшиг үүсэхэд олон хүчин зүйлс нөлөөлсөн ч дэлхийн уур амьсгалын өөрчлөлт нь хур тунадас их хэмжээгээр орох явдалд нөлөөлж байгааг мэргэжилтнүүд онцолсоор байгаа билээ. Нийгмийн сүлжээгээр тархсан зураг болон бичлэгүүдээс хотуудын гудамж талбай усанд автаж, автомашинууд үерийн усанд урсаж буй дүр зургуудыг харж болох юм.

Түүнээс гадна Хэнан мужийн Луоян хотод байрлах даланд 20 м өндөр цууралт үүсч, нурах аюулд ороод байгааг албаны хүмүүс анхааруулжээ. Хятадын зэвсэгт хүчний цэргүүд тус бүс нутагт ажиллаж байна.

Жэньжоу хотод метронууд усанд автаж, метрон доторх ус зорчигчдын мөрөөр татаж байгаа бичлэгүүд цахим орчинд тархжээ. Аврагчид иргэдийг үерийн уснаас олсоор татаж гарган, иргэд усан доор орохгүйн тулд метроны суудал дээр зогсоход хүрчээ.

Жэньжоу хотод өнгөрсөн 3 өдрийн дотор тус хотод нэг жилийн хугацаанд орор хэмжээний хур тунадас орсон ба хур тунадас үргэлжлэн орох төлөвтэй байгаа аж.

Эх сурвалж: https://www.bbc.com/news/world-asia-china

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.