Хос залуус "Хайрын төгөл"-ийг зориорой

Twitter Print
2014 оны 07-р сар 21-нд 14:23 цагт
Мэдээний зураг,

Дэлхийн ихэнхи оронд залуу хосууд, дурласан залуус сэтгэлээ илэрхийлж хайрын цоож зүүдэг тусгай газрууд байдаг.  Эдгээр газарт залуус ирж үүрдийн мөнх хамт амьдрахын баталгаа болгон цоож зүүдэг. Улаанбаатар хотын Захирагчийн ажлын албанаас залуус, хосууддаа зориулан баруун дөрвөн замд “Хайрын төгөл” байгуулж өнөөдөр 18:00 цагт албан ёсоор нээлтээ хийх гэж байна.

Энэ хайрын төгөлд дурласан залуус, хуримаа хийж буй залуу хос Гандан орж сайн сайхан амьдрах хүслээ шивнээд буцахдаа хайр сэтгэлээ бат бөх байхыг билэгдэн цоож зүүх боломжтой. Хайрын төгөлийн дээд талд хайрын бурхан Амур сахиусан тэнгэр байрлах бөгөөд сахиусан тэнгэр залуу хосыг хөтлөн “Хайрын төгөл”-ийн үүдээр оруулах билэгдэлтэй.

Цоожийг зүрх болон гацуур хэлбэртэй модонд өлгөх юм. Олон өнгийн цоож нь яг л шинэ жилийг санагдуулахаар гоёмсог харагддаг. Цоожоор гацуур мод дүүрсэн тохиолдолд өөр газар шилжүүлэн суулгах боломжтой юм. Тиймээс залуусаа хайр сэтгэлээ баталгаажуулах билэгдэлтэй “Хайрын төгөл”-ийг зориорой. Та хоёрын хайрын цоожны түлхүүрийг хайлуулан хүзүүний зүүлт болгон буцаагаад өгөх болно. Хайр сэтгэл тань үүрд мөнх байж, хамтдаа хорвоог туулан зовлон жаргалаа хуваалцаарай.

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.