Н.Түвшинбаяр “Степпа Арена”-гийн барилгын явцтай танилцлаа

Twitter Print
2020 оны 08-р сар 28-нд 18:39 цагт
Мэдээний зураг,

МҮОХ-ны Ерөнхийлөгч Н.Түвшинбаяр өнөөдөр Хан-Уул дүүргийн VIII хороонд баригдаж буй өвлийн спортын “Steppa Arena” ордны ажлын явцтай танилцлаа.

“Степпа Арена” компанийн удирдлагууд өвлийн спортын ордныг энэ оны аравдугаар сард ашиглалтад оруулахаар эрчимтэй ажиллаж байгаа бөгөөд байгууламжтай холбоотой зарим мэдээллийг өглөө. Өвлийн спортын ордон 5700 м.кв ашиглалтын талбайтай, 2600 хүртэлх үзэгчийн суудалтай, Олон Улсын Олимпын хорооны стандарт хэмжээс болох 60м-30м мөсөн гулгуурын талбайтай байх аж.

Мөн хөгжлийн бэрхшээлтэй иргэдэд зориулсан зам, талбайтай, Хойд америк, Европын орнуудад өргөн ашиглаж буй мөсөн талбайн зориулалтын хөргөлтийн төхөөрөмж, агаар сэлгэлтийн системтэй байх юм байна. Түүнээс гадна, танхим тасалгаа, мөсөн гулгуурын талбайг спортын бусад төрлийн уралдаан тэмцээн, соёл урлагийн арга хэмжээ, тоглолтод зориулан хөрвөн өөрчлөх боломжтой байхаар хийж байна.

А.Алт 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.