Бидний бодьгал сэрэл, сэдэл юунд хамаатай байдаг вэ?

Twitter Print
2016 оны 02-р сар 25-нд 14:40 цагт
Мэдээний зураг,

Эрэгтэйчүүдийг эмэгтэйчүүд завхай, зайдангаар нь дуудна. Эмэгтэйчүүд садралвал улс сүйрнэ гэж эрчүүд нь айлдана. Эрэгтэйчүүд үнэхээр жигшмээр амьтад уу? Эмэгтэйчүүдийн бэлгийн амьдрал нь улсын аюулгүй байдалтай шууд холбоотой юу? Эсвэл энэ асуудалд бодолцох ёстой ямар нэгэн өөр зүйл байна уу?

Ричард Докинс “Хувиа хичээсэн ген” гэдэг номондоо бичсэнээр бол амьд организм болгон нь зөвхөн өөрийн удмын материалынхаа үржлийг нөхцөлдүүлэх ёстой зуурдын бүтэц байдаг бөгөөд амьтныг цаанаас нь удирдаж байгаа жинхэнэ “эзэн” нь түүний ген гэж үзсэн байдаг байна. Ийм туйлын үзлийг хэтэрхий явцуу гэж үзэх юм бол цаана нь байгаа үндсэн санаа нь буюу  “амьтан болгоны дийлэнх үйлдлийн цаад талд нь аль болох хурдан, олон үржиж удмаа үлдээх сэдэл байдаг” гэдэгтэй маргах хүнгүй болов уу. Галзуугийн вирус хүртэл, жишээлбэл, үржихийн тулд тээгч амьтныхаа шүлсээр нь ялгарч, араншинг нь өөрчилж бусад амьтанд халдуулдаг. 

Вирус, бактери нь энгийн хуваагдлаар үрждэг. Энэ нь хялбар, хурдан гэх мэт давуу талтай үржлийн арга боловч популяцийг клонжуулж халдвар, гэмтэлд эмзэг байлгаж, бактери вирустай тэмцэхэд амар болгодог. Мэдээж тохиолдолын мутацид суурилсан удмын материалын өөрчлөлт байх ч энэ нь удаан, зориулалтын бус арга юм. Бактерийн хананы нэг загварт орсон байдал нь олон эст амьтанд үүссэн дархлааны анхны төрөл болох төрөлхийн дархлаа үүсэж, удамшихад хялбар болгосон байна. Хүнд байдаг, төрөлхийн дархлаанд үүрэг гүйцэтгэдэг TLR гэх рецепторууд нь бактерийн хананы энгийн загварыг танидаг бөгөөд адил үүрэгтэй адилхан рецепторууд одоогийн ялаанд хүртэл байдаг байна.

Ийм нөхцөл бий болсон учир байгальд амьтны удмын материалыг тогтмол хольж, клон бус амьтан гаргах үржлийн арга хувьсаж бий болжээ. Анхны хэлбэр нь мөн л бактериудад үүсч, хоёр нас бие гүйцсэн бактерийн хооронд удмын материал зөөдөг фааг гэх бүтэц бий болов. Одоо болтол бактериуд энэ аргаар удмын өөр материал шинээр олж авдаг бөгөөд антибиотикт тэсвэртэй чанар тараадаг фаазууд хүртэл байдаг байна. Үржлийн энэ арга нь харьцангуй дэвшилттэй байж байгальд олон эст амьтан үүсэх боломжийг олгосон ч популяцийн эмзэг байдлыг эдгээр тохиолдолын бөгөөд хагас зориулалтын аргууд нь шийдэж чадаагүй болхоор хувьсалын нөлөөгөөр бэлгийн үржил бий болжээ. 

Бэлгийн буюу шинэ төрлийн амьтан үүсэх болгонд өөр өөр амьтны удмын материал холилдож, өвөрмөц удмын материал үүсэх тусам нийтлэг эмзэг талууд арилна. Хувьсал үргэлжилсээр эр, эм хүйс үүсч, нэг нь удмын бойжилтонд зарцуулах хугацаа, чадал нь нөгөөгөөсөө өөр болох тусам хүйс хоорондын нөхөн үржлийн стратеги асар өөрчлөгдөв. Энэ нь ялангууяа хүнд их ялгаатай байдаг. Эхлээд эмэгтэйн үржлийн тухай товч тоймлоё.

Эмэгтэй хүний нөхөн үржлийн хэрэгцээний үүднээс харах юм бол хоёр том шаардлага байдаг байна. Эхнийх нь сайн удмын материалтай эцэг олох /хүүхдүүд нь ирээдүйд үржих магадлал сайтай/. Дараа нь тэр хүүхдээ сайн асрамжилан бойжуулж цаашдын ирээдүйд өөрсдийг нь эцэг, эх болгох нь нөхөн үржлийнх нь амжилтын шалгуур юм. Даан ч энэ хоёр чанар хангалттай хэмжээгээр, нэг эрэгтэй хүнд нэгэн зэрэг тохиох магадлал бага байдаг байна. Тэгэхээр, зарим биологчдийн үзэж байгаагаар бол эмэгтэй хүнд дээрх хоёр чанарын давуу талуудыг нэг доор хүртэх нөхөн үржихүйн өвөрмөц зохицолдоо үүссэн байдаг аж. Энэ давуу талуудыг хослуулах онолын дагуу эртний нийгэмд, тайван нөхцөлд амьдраж буй эмэгтэй хүнд нөхөн үржлийн хамгийн боломжийн вариантыг сонгохын тулд халамжтай, гэхдээ удмын материал муутай нөхөртэй хамт амьдраж, тэр хоорондоо сайн удмын материалтай, гэхдээ халамжгүй өөр эрэгтэйгээс хүүхэдтэй болж нөхрөөрөө өсгүүлэх зохицолдоо үүссэн байдаг байна. 

Сайн удмын материал гэдгийг чанартай ген, өвөрмөц ген, нийцтэй ген гэж үзээд биеийн болон нүүрний симметригээр хэмжиж үзэж болдог байна.Нэг хүний нүүрийг компютерээр засаад асимметрик болгоход л эмэгтэйчүүдийн анхаарал татагдах байдал буурч байгааг ажиглаж болдог байна. Түүгээр ч барахгүй, удаан хамтран амьдраж байгаа хосуудын эмэгтэйчүүдэд энэ туршилтыг хийхэд ч гэсэн дээрхтэй адил дүн өгдөг байна. Ялангууя, хос нь нүүрний симметри багатай бол сайн удмын материалтай хүний зурганд илүү өндөр оноо өгдөг гэнэ. Эмэгтэй хүний бэлгийн мөчлөгийн өөрчлөлтийн дагуу сайн удмын материалд татагдах байдал нь ч өөрчлөгддөг болохыг нэг бус судалгаа харуулдаг.

Лютейны фаазын оргил үе буюу өндөглөж, жирэмсэн болох магадлал өндөртэй үедээ эмэгтэйчүүд нүүрний симметри өндөртэй эрэгтэй хүний зурганд их оноо өгөх магадлал нь мөчлөгийн бусад үетэй харьцуулахад өндөр байдаг аж. Энэ үзэгдэл нь зөвхөн царайнд илрээд зогсохгүй бас үнэр дээр илэрдэг байна. Нүүрний симметри өндөртэй эрэгтэй хүмүүсийн хувцсыг мөчлөгийнхөө янз бүрийн үед яваа эмэгтэйчүүдэд үнэрлүүлэхэд лютейны фаазын оргил дээр байгаа эмэгтэйчүүдэд тухайн үнэр тааламжтай байдаг гэнэ. Өөр хүний хүүхэд өсгөж байсан эцгийн хувьд олон судалгааны дундаж 2-4 хувь байдаг аж.

Нөгөө талаас, нүүрний симметри өндөртэй эрэгтэйчүүд бэлгийн хамтрагчийн тоогоор дундажаас өндөр байж, эмэгтэйчүүдийн хувьд зуурдын хос гэж дүгнэгддэг байна.

Хослолын онолын дараагийн нэг баримт нь, эмэгтэй хүн нь нөхрийнхөө өөр эмэгтэй хүнтэй бэлгийн харьцаанд орсоныг мэдэхэд шаналахаас илүүтэйгээр сэтгэл урвасанд нь илүү их эмзэглэдэг тухай судалгаа байна. Өөрөөр хэлбэл, тэжээгч, халамжлагчаа алдах нь эмэгтэй болон хүүхдийнх нь цаашдын амьдралд сөрөг нөлөө үзүүлдэг учир илүү их стресс үүсгэж байгаа юм. Дээрх судалгаа эрэгтэй хүнд эсрэг дүгнэлттэй гардаг байна. Эрэгтэй хүнд харин эхнэр нь өөр хүнтэй бэлгийн харьцаанд орсоныг мэдсэн цагт стресс үүсдэг аж. Цаад шалтгаан нь ч ойлгомжтой, эр хүн, хүний хүүхэд өсгөж биологийн боломжоо алдахгүй байх гэсэн логиктой гэсэн үг.

Гэр бүлийн хүчирхийлэл үйлдсэн эрчүүдийн мэдүүлдэг хамгийн том шалтгаан нь ч мөн бодит болон хийсвэр хардалтаас үүдэлтэй байдаг аж. Тиймээс ч байгалийн нөхөн үржлийн жам ёсоор эр хүмүүс эхнэрээ цагдан хянаж, өөр эр хүйстэнтэй ойртохыг тэвчдэггүй. Нөгөө талаас гэр бүлээс гадуур бэлгийн харьцаанд орох нь нөхөн үржихүйн магадлалыг 50-100% нэмэгдүүлж байгаа хэрнээ биологийн хувьд харьцангуй бага зардал гаргаж байгаа учир ийм авир гаргах нь логикийн хувьд ойлгомжтой. Зөвхөн хүнд ч биш, сээр нуруутай бусад амьтад дийлэнх нь амьдралынхаа явцад хосоос гадуурх харьцаанд ордгийг биологичид тогтоосон байдаг. Амьдралынхаа явцад зөвхөн нэг эмэгчинтэй нөхөн үрждэг амьтанд дийлэнхдээ шувууны төрлийнх байгаа нь ийм нөхөн үржлийн стратеги байгальд хязгаартай болохыг харуулж байгаа болов уу. 

Хүний хувьсалын олон мянган жилийн турш зохицолдож ирсэн энэ инстинкт гэвч бидний өнөөгийн нийгэмд тэр бүр зохицохгүй араншин гэдгийг хэлэх нь зүйтэй. Эмэгтэй хүн биеэ дааж шийдвэр гаргах эрхийг нь эрэгтэйчүүд хүлээн зөвшөөрөх хэрэгтэй. Хоёр хэрээ нэгийнхээ харыг гайхав гэгчээр эмэгтэйчүүд нь ч гэсэн эрэгтэйчүүдийгээ завхай, зайдангаар нь дуудаад байх хэрэггүй л болов уу... Хосууд нэг нэгнийгээ хардаж, мөшгөх биш итгэл, хүндлэл, хайр, халамжин дээр тогтсон хамтын амьдралыг чухалчлах хэрэгтэй юм биш үү.

Г.Анар

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • zaluu

      (49.0.187.68) 2016-02-25 15:33
      • 0
      • 0

      Yamarch hereggui teneg zuil niiteleh yumdaa.manai erchuud gadnaas ehner awmaar yumch geh shig !tgwel mongol zaluutai suuh hujaa huuhnuud hogooroo l bnshdee.mongol huuhnuud ch gesen hartai balai munggui mongol zaluutai suusnii hereguiee hu

      Хариулах