Хурандаа У.Хүрэлсүх та ингэхэд хаана байна?

Twitter Print
2021 оны 07-р сар 06-нд 11:55 цагт
Мэдээний зураг,

Сүйрч байна! Сүүлийн 5 жил удирдсан та минь хаачив аа!

Цэргийн хувцсаар гоёмтгой, “эх орны төлөө зүтгэе“ гэж ёсломтгой, таавчиктай эмэгтэй таарвал огцорчихдог уярамтгай, амь насаа алдахаас айхгүй гэж тунхагламтгай, чөмөг, цөцгий яримтгай хурандаа У. Хүрэлсүх та ингэхэд хаана байна вэ?

Таны сонгогчдоос 600 гаруй халуун амь тасарлаа. Эхнээсээ эмнэлэгийн тусламж авч чадахгүй үүдэн дээр амьсгал хурааж байна.

Олон айл өрх орлогогүй болж үнийн өсөлтөд сөхөрч байна.

Энэ бол таны ажлын үр дүн. Учир нь та 2016 оноос хойш бүтэн 5 жил Шадар сайд - Ерөнхий сайд - Намын дарга - Ерөнхийлөгч гэх Монголын хамгийн том албан тушаалыг ганцаараа ээлж дараалан хашлаа. Ковидын хууль гэж батлаад урьд хожид хэнд ч байгаагүй эрх мэдлээр их наядуудыг захиран зарцууллаа.

Үр дүнгээ өнөөдөр хар. Эцэст нь ард түмэн чинь наадам хийнэ, үгүй гэж талцаад талбай дээр гарч байна. Эв нэгдлийн илэрхийлэгч та ийм үед галын шугам дээр гарч ирэх зориггүй,шийдвэрлэх мөчид шилрээд алга болчихдог та бол үнэндээ цэргийн хурандаа биш. Улсын ерөнхийлөгч бүр биш. Ердөө л увайгүй намчин, цагийн аясаар хувирдаг хамелеон.

Ялсан ерөнхийлөгч санаатай юм бол ядаж дуугараач! Ямар хуурамч, хулчгар юм бэ?

"Хоосон сав дуу чангатай

Хуурамч хүн хэлбэр ихтэй"

Би танд зориулж зүйр үг зохиочихлоо. Болох уу?

Сэтгүүлч Б.Отгон

2021.07.05

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.