Хүний сүүдэр хагарсан шил, цусны ул мөрөн дээр удаан хугацаагаар тусах муу

Сүүдэр биднийг хаа яваа газар дагаж, харанхуйд үхэж, өдрийн гэрэлд бас бүрэнхийд эргэн амилдаг. Та бидний сүүдэр бол дасал болсон, анзаарагдамгүй хэрнээ өөртөө маш олон оньсого, нууц агуулж байдаг. Сүүдрийн шинж чанар, онцлог, боломжийг хэдэн мянган жилийн турш ид шидийн нэгэн салбар болох сүүдрийн шидэт хүч гэдэг ухаан судалдаг.

Энгийн хүмүүсээс нуугдмал бөгөөд зөвхөн эртний төлөгч, бөө нарын мэддэг байсан нууц мэдлэг таны бодож байгаа шиг тийм ч гэмгүй зүйл биш. Жишээлбэл, энэ салбарын нэг чиглэл нь хүнд, түүний хүсэл зоригт шууд нөлөөлж, эрхэндээ оруулдаг. Бодол санааг унших, ирээдүйг мэргэлэх, бүрэн эсвэл хэсэгчлэн захирах, бие хүнийг өөрчлөх, хараал жатга гээд сүүдрийн ид шидийн ёслол олон.

Сүүдрийн шидэт чанар, нууц боломжийн тухай мэдсэн эзэд хаад өөрсдийн нь сүүдэр дээр гишгэсэн хүмүүст цаазлах ял оноодог байсан. Хөдөө тосгодын бөө, домч нар хүмүүсээс хараал жатгыг зайлуулахдаа тухайн хүний сүүдэрт зориулан нууц ёслол хийдэг байсан. Даосын лам нар удаан хугацааны бясалгал, өөрийн сүүдрийн тусламжтайгаар зэрэгцээ орших сүүдрийн ертөнцөд шилжих хаалгыг нээдэг байсан гэдэг.

Сүүдрийг зарим нь хүний хамгийн сайн, шилдэг тал гэдэг бол нөгөө нь хүний эсрэг тал гэдэг. Гэхдээ л сүүдрийн шидэт шинж чанарыг бүгд хүлээн зөвшөөрдөг. Дэлхий дээр амьдардаг хүмүүсийн сүүдэр нь манай ертөнцөд харъяалагддаг гэсэн нэг онцлох шинж. Иймээс цус сорогчид буюу вампируудыг сүүдэргүй гэдэг, нөгөө ертөнцийнх учраас.

Сүүдэр бол гэрлийн байнгын дагуул, өөрийн өвөрмөц чанар, энергитэй. Гэхдээ тэр эзэндээ их холбоотой. Иймээс хар домч, шидтэн сөрөг шидиин золиос болохгүйн тулд энгийн зарим дүрмийг мөрдөх хэрэгтэй.

- Хэзээ ч ямар ч тохиолдолд бусад хүнд өөрийн сүүдэр дээр гишгэхийг бүү зөвшөөр. Мөн хэн ч таны сүүдрийг алгадаж болохгүй, шохой эсвэл харандаа, лааны тосоор хүрээлж зурахыг бүү зөвшөөр. Сүүдрийг тань зүү, сүлбээр зүүгээр хатгах, ус эсвэл таны сүүдэр дээр өөр бохир зүйл цацах, нулимах, хог асгах зэргийг хоригло.

- Хүний сүүдэр хагарсан шил, цусны ул мөрөн дээр удаан хугацаагаар тусах муу.

- Эргэн тойрны хүмүүстэй харьцахдаа анхааралтай бай, гэнэт ярианы үеэр таны бие сулрахыг мэдэрвэл яриагаа таслан өрөө тасалгаанаас гарах хэрэгтэй. Ядаж биеийн байрлалаа өөрчил, таны сүүдэр өөр хүн дээр хүнд зүйл дээр тусахгүй байхад анхаар.

Манай ертөниийн бүх юманд байдаг шинж чанар сүүдэрт бий. Өөрөөр хэлбэл сүүдэрт эерэг ба сөрөг тал бий. Тэдгээрийг зөв ашиглаж чадвал багагүй ашиг авч ирнэ. Сүүдрийн шидийн нууцыг мэддэг хүн түүний тусламжтайгаар дайснуудаасаа хамгаалж, эсрэг хүйсний хүмүүст таалагдаж чадна.

Зөнтэй зүүд, үйл явдлын өрнөлийг урьдаас зөгнөж мэдэх зэрэг хүний чадвар нь сүүдэртэй холбоотой. Сүүдэрт нуугдах гэдэг хэлц үг нууц агуулгатай. Нууц мэдлэгийг ашиглаад та сүүдэртэйгээ бүрэн уусан нийлж, эргэн тойрны хүмүүсийн хувьд анзаарагдамгүй болж чадна.

Энэ мэдээ танд таалагдаж байвал LIKE хийгээрэй. Танд баярлалаа.