"Токио-2020" зуны XXXII олимпын наадмыг Монголын 13 телевиз шууд дамжуулна

Twitter Print
2021 оны 04-р сар 26-нд 09:00 цагт
Мэдээний зураг,

"Токио-2020" зуны XXXII олимпын наадам эхлэхэд 89 хоног үлджээ. Монголын баг тамирчид эрхийн оноо цуглуулах болон эрх олгох тэмцээнүүддээ оролцсоор байна. Хамгийн сүүлд чөлөөт бөхийн эрэгтэй, эмэгтэй тамирчид Ази тивийн олимпын эрхийн тэмцээнээс нийт 5-н болзол хангаснаар Монголын баг тамирчид одоогоор Токио-2020 зуны XXXII олимпын наадамд оролцох 21 эрх аваад байна.

Цар тахлын улмаас бүтэн жилээр хойшилсон олимпын наадмыг Монголын телевизүүд хамтран эх орондоо шууд дамжуулан үзүүлнэ. Тодруулбал “Токио- 2020” зуны олимпын XXXII наадмын шууд дамжуулах албан ёсны онцгой эрхийг 13 телевиз хамтран авчээ. Телевизүүд нэгдсэн бодлого төлөвлөгөө, маркетинг, техник технологи болон хүний нөөцөөр ажиллах юм байна. Энэ хүрээнд телевизүүд олимпын наадам угтсан нэвтрүүлгүүд, мэдээ мэдээлэл, спорт танин мэдэхүйн контентууд бэлтгэж, 13 телевизийн эфир болон мэдээллийн бусад хэрэгслээр жигд түгээхээр болжээ.

Мөн олимпын наадмын үеэр Токио хотноо 4 сурвалжлах баг ажиллаж Монголын тамирчдын мэдээлэл, олимпын наадмын эргэн тойронд болж буй үйл явдлуудыг шуурхай хүргэхээр бэлтгэлээ хангаж байна. Олон сувгийн сонголт нь үзэгчдэд нэгэн зэрэг 13 өөр спортыг үзэх боломж нээгдэх юм.

“United by Emotion”

C1, EAGLE NEWS TV, EDU TV, ETV, NTV, SBN, STAR TV, TM TV, TV5, TV8, TV9, UBS, VTV.

Эх сурвалж: Биеийн тамир, спортын улсын хороо

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.