Т.Батзоригийн хурдан хээр үрээ наран мандах зүгээс тодорлоо

Twitter Print
2014 оны 07-р сар 10-нд 12:30 цагт
Мэдээний зураг,

Үндэсний их баяр наадмын хурдан морины уралдаан өнөөдөр хязаалан насны морьдын уралдаанаар эхэллээ. Хүй долоон худагт газар газрын уяачид хүрэлцэн ирж, аргамаг хүлгүүдээ сойж байна. Энэ жил Монгол орны дөрвөн зүг, найман зовхисоос ирсэн 318 хязаалан төрийнхөө наадамд тоосоо өргөхөөр гарааны зурхайгаас хөдөллөө. 

Эх орны наран мандах зүгээс хязаалангийн түрүү тодорч, Дорнод аймгийн Цагаан-Овоо сумын харьяат, аймгийн алдарт уяач Т.Батзоригийн сартай хээр үрээ төрийнхөө их баяр наадамд түрүү магнай, торгон жолоо өргүүллээ. Төрийн их баяр наадмын хязаалан насны хурдан морьдын уралдааны аман хүзүүнд Өмнөговь аймгийн Хүрмэн сумын уяач Ш.Баянбатын халзан үрээ аман хүзүүдсэн бол гуравт Төв аймгийн Сэргэлэн сумын, Монгол Улсын Тод манлай уяач Д.Ононгийн хүү Батбилэгийн хурдан зээрд үрээ хурдлав. Дөрөвт Төв аймгийн Баянцагаан сумын уяач Д.Даваахүүгийн хонгор үрээ, айргийн тавд Сүхбаатар аймгийн Дарьганга сумын Эрдэнэбилэгийн хурдан хээр үрээ хурдаллаа. 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.