Заанууд олноороо үхсэн шалтгааныг шалгаж байна

Twitter Print
2020 оны 07-р сар 03-нд 11:27 цагт
Мэдээний зураг,

Ботсванад 275 гаруй заан үл мэдэгдэх шалтгааны улмаас үхсэн явдлыг шалгаж байна. Хэдэн сарын өмнө Окаванго мөрний бэлчирийн ойролцоо заанууд олноороо үхсэн байдалтай анх олдсон ба түүнээс хойш эрх баригчид заануудын үхлийн шалтгааныг тодруулахаар ажилласаар байгаа аж.

Заануудыг хулгайн анчид агнасан байж болох ч цогцоснуудаас соёонуудыг нь аваагүй байгаа нь заанууд хулгайн анчдын гарт үрэгдсэн гэдэг нь эргэлзэл төрүүлж байгаа аж. Зимбабве, Өмнөд Африк болон Канадад байрлах 3 лабораторид заануудын цогцоснуудаас авсан дээжийг шинжилж байгаа талаар эрх баригчид мэдээлжээ. Elephants Without Borders байгаль хамгаалах байгууллагын агаараас хийсэн ажиглалтаар үхсэн заануудаас гадна амьд байгаа заануудын зарим нь өвдсөн шинжтэй, хөдөлгөөн нь удааширсан, эцэж турсан, доголсон, толгой нь эргэсэн байдалтай байжээ.

Elephants Without Borders байгууллага заануудын үхлийн шалтгаан нь өвчин эсвэл ямар нэгэн зүйлд хордсон эсэхтэй холбоотой үгүйг яаралтай тогтоох шаардлагатай байгааг онцолжээ. Хулгайн антай холбоотойгоор Африк дахь заануудын тоо толгой цөөрсөөр байгаа ба Бүгд Найрамдах Ботсвана улсад Африк тив дэх заануудын ⅓ нь амьдардаг аж. 1990 - ээд оны сүүлээс тус улсад заануудын тоо толгой 80 мянгаас 130 мянга болтлоо өссөн аж. Гэсэн хэдий ч заануудын тоо толгой өссөнөөр заанууд иргэд аж ахуйн нэгжүүдийн газар тариалангийн талбайг сүйтгэх нь нэмэгдсэн аж. Ботсвана улсын Ерөнхийлөгч Мокветси Масиси заан агнах хоригийг өнгөрсөн оны 5-р сард цуцалсан ч коронавирусын цар тахлын дэгдэлттэй холбоотойгоор заан агнах хүсэлтэй жуулчид Ботсвана руу зорчих боломжгүй болсон юм.

Эх сурвалж: Reuters

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.