ОХУ, Казахстан, Киргизстан, Солонгосын хойгоор дамжих авторалли эхлэв

Twitter Print
2014 оны 07-р сар 10-нд 07:06 цагт
Мэдээний зураг,

ОХУ-д Солонгос үндэстэн суурьшсаны 150 жилийн ойг тохиолдуулсан авторалли уралдаан энэ долоо хоногт Москва хотноо нээлтээ хийлээ.

Энэ удаагийн авторалли ОХУ, БНАСАУ, БНСУ зэрэг гурван улсын хамтран зохион байгуулж буй олон улсын чанартай тэмцээн болж байгааг тэмцээний нээлтийн ажиллагаанд оролцсон ОХУ-ын Бүс нутгийн хөгжлийн сайд Игорь Слюняев онцолсон юм. Мөн түүхэнд анх удаа автораллигийн тамирчид солонгосын хойгийн цэрэггүй бүсээр дайран өнгөрөх гэж байгаа бөгөөд хоёр Солонгосын харилцааг ойртуулах чухал ач холбогдолтой тэмцээн болж байна. Энэ удаагийн тэмцээн эх нутагтаа эргэн хөл тавихыг мөрөөдөж ирсэн солонгос үндэстнүүдэд тохиож буй онцгой бэлэг болж байна гэж Москва хот дахь БНАСАУ-ын ЭСЯ-ны ажилтан Кан Сон Ху хэлсэн байна. Мөн Москва хотод суугаа БНСУ-ын Ерөнхий консул И Сог Бэ тэмцээний нээлтэд оролцохдоо, ОХУ Солонгосын хойгийг холбосон гүүрийн үүрэг гүйцэтгэж буй Оросын солонгос үндэстнүүдээр бахархаж байна гэж хэлэв. Наймдугаар сарын дунд үе хүртэл бүтэн хоёр сарын турш үргэлжлэх авторалли ОХУ-ын зарим хотуудаар дайран Казахстан, Киргизстан, БНАСАУ-аар дамжин БНСУ-д хүрч өндөрлөх аж.

Сэтгүүлч Л.Отгонбат

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.