М.Клозе дэлхийн аваргын түүхэнд 16 гоол орууллаа

2014 оны 07-р сар 09-нд 10:46 цагт
Мэдээний зураг,

Дэлхийн аваргын хагас шигшээгийн эхний тулаанд Герман-Бразилийг 7:1-ээр бут ниргэж түүхэн ялалт байгууллаа. Дээр хоёр баг хамгийн сүүлд 2002 оны шигшээ тоглолтонд учраа таарахад “Супер Роналдо” дубль хийж “Алтан дагина” хүртэж байсан. БНСУ-Японд болсон “World cup”-т Германы М.Клозе таван гоол оруулахдаа бүгдийг нь толгойгоороо оруулж “Алтан толгой” хочийг авч байв. Түүнээс хойш дөрвөн жилийн дараа нутаг дээрээ болсон тэмцээнд мөн таван гоол оруулж “Алтан шаахай” шагнал хүртсэн юм.

Харин 2010 онд дөрвөн гоолыг өрсөлдөгчийнхөө хаалганд оруулж нийтдээ 14 гоолыг хийсэн. Бразилд хоёрхон гоол хийхэд Роналдогийн 15 гоол оруулсан амжилтыг эвдэх байсан. Й.Лев ч М.Клозед итгэл хүлээлгэн ХХ дахь удаагийн дэлхийн аваргад авч явсан. Польш гаралтай Немц довтлогч Ганатай 2:2-оор тэнцэхэд нэг гоол оруулсан бол урд шөнө Бразилийн хаалганд түүхэн рекорд эвдсэн гоол орууллаа. Гэхдээ түүний энэ рекордыг нутгийн дүү Т.Мюллер эвдэх магадлалтай байгаа ч “Дэлхийн аваргын мэргэн бууч” гэсэн алдар Германд үлдэх нь тодорхой боллоо.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.