Инженерээр ажиллаж байсан залуу Хятадын баячуудын жагсаалтын 2-т бичигдэв

Twitter Print
2020 оны 06-р сар 24-нд 11:47 цагт
Мэдээний зураг,

Google компанид инженерээр ажиллаж байсан Колин Хуан Хятадын хамгийн баян хүмүүсийн жагсаалтын хоёрт бичигджээ. Хятадын цахим худалдааны хамгийн том платформуудын нэг болох Pinduoduo компанийг үүсгэн байгуулагч, тус компанийн гүйцэтгэх захирал 40 настай Колин Хуаны хөрөнгө өнгөрсөн ням гарагт 45.5 тэрбум ам.долларт хүрчээ.

Үүнтэй холбоотойгоор тэрээр Хятадын хамгийн баян хүмүүсийн жагсаалтыг тэргүүлэгч Tencent компанийн Пони Магийн ард, Алибаба компанийг үндэслэгч Жак Магийн өмнө бичигджээ. Тэрээр сургуулиа төгсөөд Майкрософт компанийн Бээжин болон Сиаттл дахь салбарт дадлага хийж байсан ба Google компанид инженерээр 3 жил ажилласан туршлагатай аж. Колин цахим тоглоомын Xinyoudi, цахим худалдааны ouku.com компаниудыг үүсгэн байгуулсан ба 2015 онд Pinduoduo компаниа үүсгэн байгуулжээ.

Коронавирусын цар тахалтай холбоотойгоор Pinduoduo цахим худалдааны сайтын борлуулалт огцом нэмэгдэж, өдөрт 65 сая орчим захиалга авдаг болжээ. Pinduoduo сайтын бусад адил төрлийн платформуудаас ялгарах хэд хэдэн онцлог байдаг нь үйлчлүүлэгчид нийлж бараа бүтээгдэхүүнийг бөөний буюу хямд үнээр авах боломжтой юм. Түүнчлэн тус платформ дээр цахим тоглоом тоглож, бэлэг авах боломжтой аж. Колин Хуан 2016 онд бичсэн блогтоо Google компанид ажилласан нь түүнд маш их зүйлийг сургасан талаар онцолж байсан аж. Тэрээр Google компанийг дөнгөж үйл ажиллагаагаа явуулж эхэлж байхад тэнд ажиллаж байсан олон мэргэжилтнүүд гэнэт их мөнгөтэй болсноосоо болж ажлын идэвхгүй болж, шинэ карьер, зугаа цэнгэл хөөж, олон жил алдаж, амжилтанд хүрэх боломжоо алдсан хэмээн бичиж байсан юм.

Эх сурвалж: BBC

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.