Крипто арилжааны платформ www.complex.mn-ийн албан ёсны нээлт болно

Twitter Print
2021 оны 07-р сар 06-нд 09:10 цагт
Мэдээний зураг,

Крипто арилжааны платформ болох www.complex.mn-ийн албан ёсны нээлтийн арга хэмжээ тун удахгүй зохион байгуулагдах гэж байна.

Уг арга хэмжээгээр Complex.mn платформын албан ёсны танилцуулга, дэлхийн blockchain технологи болон крипто арилжааны мэдээ мэдээллүүдийг танд хүргэх болно.

Нээлтийн үйл ажиллагаанд:

Complex-ийн үүсгэн байгуулагч Ө. Үнэнбүрэн,

Complex-ийн ерөнхий захирал М. Хатанбүүвэй,

Infinite Solutions-ийн ерөнхийлөгч Б. Габит,

Монгол Чатын гүйцэтгэх захирал Л. Буянтогтох,

Fintech blockchain зөвлөлийн тэргүүн Б. Гантиг

MOT wealth holdings үүсгэн байгуулагч О. Мөнхжин зэрэг зочид төлөөлөгчид оролцоно.

****************************************

Хэзээ: 2021 оны 07 сарын 06-ний өдрийн 20:00 цагт.

Хаана: Mongol Chat хуудсаар шууд дамжуулна.

****************************************

Дэлгэрэнгүй мэдээлэл авах бол:

Complex Mongolia, Mongol Chat

Холбогдох утас: 99432061 Билгүүдэй

Complex-ийн тухай ерөнхий мэдээлэл:

АНУ болон дэлхийд крипто зах зээлийн чиглэлээр үйл ажиллагаа явуулдаг топ компаниудын нэг болох 15 тэрбум ам.долларын үнэлгээ бүхий Bittrex Global компани Монголд анхны хөрөнгө оруулалтаа монгол залуусын хөгжүүлсэн крипто бирж болох CompleX-д хийхээр боллоо. Bittrex Global нь CompleX биржийн үнэлгээг 10 сая ам.доллараар тогтоон хөрөнгө оруулалт хийхээр боллоо. Ингэснээр олон улсад хүлээн зөвшөөрөгдсөн топ компаниас хөрөнгө оруулалт аван крипто зах зээлийн чиглэлд олон улсад гарахаар болж байгаа Монголын анхны компани болж байна.

Гадаадад гарах гарц хуучин зөвхөн үйлдвэрлэл экспорт байсан бол өнөө үед оюуны потенциал, технологи экспортлож гадны хөрөнгө оруулалт татах бүрэн боломжтой болсон билээ. Энэ боломжийг крипто блокчэйн технологи бий болгож, Монголыг олон улсад гарах гарцыг шинэ хэлбэрээр нээн өгч байна.

CompleX биржийн хувьд зах зээл дээр дараах 3 том ялгаралыг бий болгож байна:

-Олон улсын нэр хүндтэй биржтэй хамтрагч болсноор энэ чиглэлд гадагшаа найдвартай түнш буюу том гарцтай болсон. Дан арилжаа хийхээс гадна онцгой нөхцөлөөр coin listing олон улсын бирж дээр шууд гарган гадны хөрөнгө оруулалт татах боломжтой.

-Bittrex Global-ын эргэлтийн (liquidity) санд шууд холбогдсон тул крипто авах болон зарах захиалгыг автоматаар биелүүлж, крипто хүрэлцэхгүй эсвэл дуусна гэсэн ойлголт байхгүй болж байна. Зарим жижиг биржүүд manual буюу гар аргаар том биржүүдээс крипто худалдан авч дамжуулан зардаг бол CompleX-ийн хувьд тийм асуудал үүсэхгүй анхны бирж боллоо.

- Монгол Чат аппликэйшнээр дамжуулан хамгийн хялбар аргаар энгийн хүн ч крипто худалдан авах боломжийг нээсэн. Өмнө ихэвчлэн гадны сайтуудаар найз нөхдөөр дамжуулан, олон шат дамжлагатайгаар авдаг байсныг ийнхүү энгийн хүн ч ашиглах боломжтой болголоо. Ганцхан товч дараад өөрийн банкны картыг холбон CompleX биржид бүртгүүлэх болон крипто худалдан авах боломжтой.

CompleX-ийн бас нэг давуу тал нь төгрөгийн DeFi буюу мөнгөө хуримтлуулан өсгөх шийдлийг бэлэн болгосон бөгөөд ирээдүйд долларын уян хатан нөхцөлт хадгаламжийн боломжийг нэвтрүүлэхээр ажиллаж байна.

Эцэст нь Bittrex Global компанийн тухайд товчхон мэдээлэл өгөхөд: Өдөрт дунджаар 100 сая ам.долларын гүйлгээ хийгддэг 364 төрлийн coin-ийг арилжаанд санал болгодог. Сoinmarketcap жагсаалтаар 15-д ордог дэлхийн топ крипто арилжааны платформ юм. Илүү ойлгуулах үүднээс харьцуулсан мэдээлэл хүргэхэд бидний сайн мэдэх Binance платформ нь нийт 372 coin санал болгодог, Coinbase тэгэхэд 73 койн санал болгодог. Өөрөөр хэлбэл Монгол хэрэглэгчид шууд дэлхийн биржээс хүссэн крипто бүтээгдэхүүнээ цаг алдалгүй арилжаа хийх боломжийг нээж өгч байгаа юм. Давхар дотоодын ААН-үүд болон хувь хүмүүс өөрийн крипто бүтээгдэхүүнийг олон улсын зах зээлд хамгийн таатай нөхцөлөөр гаргаж, дэлхийд өрсөлдөх боломжийг нээж байна.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.