САМҮРАЙ хүний нэр төр ямар үнэтэй вэ буюу сайн аавын нэрийг гурав худалдаж иднэ

Twitter Print
2020 оны 10-р сар 29-нд 13:30 цагт
Мэдээний зураг,

Монголчууд “нэр хугарахаар яс хугар”, “хүн нэрээ, тогос өдөө” гэж ч ярьдаг, үндсэндээ, хүний нэр төрийн тухай л би ярих гээд байна даа. Сүүлийн үед залуусын гаргаж байгаа ааш араншинг хараад байхад энэ тухай үргэлж л хэлж ярьж, “яншиж” сануулж байхгүй бол болохгүй болжээ.

1868 онд Японд Ардчилсан их өөрчлөлт өрнөн, нийгмийн дээд давхарга болох самүрай нар эрх мэдэл өмч хөрөнгөөсөө салж, зүгээр шахуу хүртдэг байсан цалин пүнлүү цагаан будаа нь үгүй болжээ. Амьдрах эх үүсвэргүй болсон нэгэн самүрай бусдын жишгийг даган бизнес наймаа хийхээр шийдэж банкинд ирэн “мөнгө зээлж авах” хүсэлт гаргажээ. Банкны ажилтан түүнээс “самүрай ноёнтон, та зээлийн барьцаанд юу тавих вэ” гэж асуув. Самүрай “би хүнд худлаа хэлж үзээгүй, зээлээ цагт нь төлнө, асуудалгүй” гэжээ. Өөрөөр хэлбэл, самүрай өөрийнхөө “нэр төрийг” барьцаалж байна гэсэн үг. Банкны хүн асуув: За яахав, бид танд итгэлээ гэж бодъё. Гэтэл та зээлээ төлж чадахгүй бол яахав? Самүрай хэлсэн нь: “Тэгвэл та нар намайг олны өмнө элэг доог болгож, нэр төрийг минь гутаагаарай” гэж хариулжээ.

Дүгнэлт: Самүрайн хувьд нэр төр нь маш их үнэтэй эд байх нь, амьтан хүний элэг доог болж нэр төрөө гутаалгана, гэдэг бол түүний хувьд тэвчихийн аргагүй гутамшигт үйл явдал болох юм байна.

“Манай нутгийн Даш өвгөний хүү байна ш дээ, нааш нь оруул гээд л том дарга намайг сайхан хүлээж авлаа”, “Дорж гуайн охин л байна, хувинд нь сүү хийж өгөөд явуул” гэх мэтийн яриа хөөрөөг монголчууд амьдрал дээр ч, жүжиг киноноос ч бид сонсож л байсан. Энэ бол монголчууд бидний “сайн аавын нэрийг гурав худалдаж иднэ” гээч шүү дээ. Аавууд ийм сайхан нэр төрийг үлдээгээд, “яваад өгдөг” байж. Харин бид ямархуу нэр төртэй яваа бол...

Д.Төмөрбаатар

Япон судлаач

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.