Америк мөрөөдлийн үнэ өртөг жилд 130 мянган доллар

Twitter Print
2014 оны 10-р сар 16-нд 10:40 цагт
Мэдээний зураг,

Америк мөрөөдлөөр амьдрахын тулд Америкчууд жилд 130 мянган долларын орлоготой байх шаардлагатай.

АНУ-ын “USA Today” сонин тус улсын дөрвөн ам бүлтэй дундаж нэгэн гэр бүлийн нэг жилийн хэрэглээг тооцсон нийтлэл гаргажээ. Нийтлэлдээ бараа бүтээгдэхүүний үнийн албан ёсны статистик мэдээ болон бусад албан баримт мэдээг ашиглан энгийн нэг гэр бүл Америк мөрөөдлийн дагуу амьдрахад жилд 130 мянган доллар шаардлагатай гэж үзжээ. Харин өнгөрсөн оны холбогдох статистик мэдээнээс харвал тус улсын найман гэр бүл тутмын нэг нь л уг жишгээр амьдрах боломжтой байв. Тус сонинд тоочсон дундаж гэр бүлийн хэрэглээг харвал, нэг жилийн байрны төлбөр, хүнс, цэвэр ус цахилгаан, эмнэлэг, унааны зардалд 58491 доллар шаардлагатай гэж үзсэн байна. Мөн 275 мянган долларын үнэтэй байр худалдан авахын тулд 30 жилийн хугацаатай зээл авч, зээлийн төлбөрт нэг жилд дунджаар 17 мянган доллар төлнө. Гадуур хооллоход 12 мянган доллар, зуны амралт (4580), амралт чөлөөт цаг (3667), зурагт, интернэт, утасны төлбөр (3100), бусад (1700) гэх мэт энгийн зардалд 75 мянган доллар зарцуулна гэж тооцжээ. Мөн дээр нь холбооны болон муж улсын татвар, хоёр хүүхдийн их сургуулийн төлбөрт зориулсан хадгаламж зэрэг 55 мянган доллар нэмэгдэнэ. Харин ийм өндөр өртөг зардал гаргаж алдарт Америк мөрөөдлийг биелүүлж чадах АНУ-ын гэр бүлийн тоо буурсаар байна гэж тус сонин дүгнэсэн байна.

Сэтгүүлч Л.Отгонбат

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.