Долоон жилийн дараа хоногт 150 мянган тонн хүдэр боловсруулна

Twitter Print
2014 оны 07-р сар 05-нд 15:04 цагт
Мэдээний зураг,

Оюутолгойг тойрсон асуудал өнөөдрийг хүртэл шийдэгдээгүй хэвээр байна. Тус компанийн асуудлаар олон удаагийн хурал хэлэлцээр хийж байгаа ч байдал яг хэвээрээ буюу асуудал шийдэгдээгүй байгаа нь хүлээлт үүсгээд байгаа юм. Түүнчлэн тус компанийн далд уурхай үйл ажиллагаандаа орох тэр үед улсын эдийн засагт ихээхэн дэвшилт гарч ач холбогдол үзүүлэх билээ. Үүнээс гадна “Оюутолгой” компани зэсийн баяжмалаа экспортлоод нэг жил боллоо.

Энэ онд тус компани ил уурхайгаасаа 900 мянгаас нэг сая тонн зэсийн баяжмал арилжаалахаар төлөвлөжээ. Ингэснээр борлуулалтын нийт орлого нь энэ онд 2-2.6 тэрбум ам.долларт хүрэх урьдчилсан тооцоог тус компаниас гаргасан байна. Өнгөрсөн онд тус компани 252 мянган тонн зэсийн баяжмал үйлдвэрлэсэн. Гүний уурхай хуваарь ёсоор 2016 онд бүтээгдэхүүнээ гаргаж нийлүүлэх юм. 2021 он гэхэд далд уурхайн хүчин чадлыг 50 хувиар нэмэгдүүлж, хоногт 150 мянган тонн хүдэр боловсруулах аж.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.